தமிழ்நாடு
சென்னை மெட்ரோவில் இலவசமாகப் பயணிக்கலாம்!
![Chennai Metro Train - Bhoomitoday](https://www.bhoomitoday.com/wp-content/uploads/2018/11/Chennai-Metro-Train.jpg)
சென்னை மெட்ரோ ரயிலில் இன்று மற்றும் நாளை (10, 11 ஃபிப்ரவரி 2019) இலவசமாகப் பயணிக்கலாம் என்றும் அறிவித்துள்ளனர்.
இன்று வண்ணாரப்பேட்டை – டிஎம்எஸ் இடையில் 10 கிலோ மீட்டர் தொலைவிற்குப் பயணம் செய்யக்கூடிய புதிய வழித்தடத்தைத் திருப்பூரிலிருந்து பிரதமர் மோடி காணொலி காட்சி மூலம் தொடக்கி வைத்தார்.
சென்னை மெட்ரோ ரயில் திட்டத்தின் முதற்கட்ட பணிகள் முழுமையாக முடிவடைந்துள்ளதால் இன்று மற்றும் நாளை (10, 11 ஃபிப்ரவரி 2019) இலவசமாக அனைத்து வழித்தடங்களிலும் பயணிக்கலாம் என்றும் அறிவித்துள்ளனர்.
இரண்டாவது மெட்ரோ ரயில் பாதை பணிகள் குறித்த அறிக்கை மத்திய அரசிடம் தாக்கல் செய்யப்பட்டுள்ளது. இதற்கு அனுமதி அளித்த உடன் அதற்கான பணிகள் தொடங்கப்படும் என்று கூறப்படுகிறது.
வண்ணாரப்பேட்டை – டிஎம்எஸ் இடையில் பயணம் செய்ய 40 ரூபாய்க் கட்டணமாக நிர்ணயம் செய்யப்பட்டுள்ளது. பிற வழித்தட டிக்கெட் கட்டணங்களில் எந்த மாற்றமும் இல்லை.