சினிமா செய்திகள்
2 தெலுங்கு ஹீரோயின்கள்… 2 பாலிவுட் வில்லன்கள்… ‘தளபதி 65’ அப்டேட்..!
தளபதி 65 படத்தில் 2 தெலுங்கு ஹீரோயின்கள், 2 பாலிவுட் வில்லன்கள் எனப் பெரும் படையே நடிக்க உள்ளதாக செய்திகள் வெளியாகி உள்ளன.
நடிகர் விஜய் நடிப்பில் தளபதி 65 படத்துக்கான படப்பிடிப்பு அடுத்த மாதம் முதல் தொடங்க உள்ளது. இந்தப் படத்தில் ஹீரோயின்களாக 2 தெலுங்கு உலகின் பிரபல நடிகைகளை இயக்குநர் நெல்சன் திலீப் குமார் ஒப்பந்தம் செய்துள்ளாராம். தெலுங்கு பட உலகின் முன்னணியில் இருக்கும் பூஜா ஹெக்டே மற்றும் ராஷ்மிகா மந்தனா ஆகிய இருவரும் நாயகிகளாக தளபதி 65-ல் நடிக்கின்றனர்.
இதேபோல், தளபதி விஜய் உடன் வில்லன் ஆக பேட்ட படப் புகழ் நவாசுதின் சித்திக் மோதுவார் என சில நாட்களுக்கு முன்னர் செய்திகள் வெளியாகின. தற்போது மேலும் இன்னொரு பாலிவுட் வில்லனும் விஜய் உடன் மோதுவார் எனக் கூறப்படுகிறது. நடிகர் சூர்யா உடன் அஞ்சான் படத்தில் நடித்த நடிகர் வித்யுத் ஜாம்வால் தளபதி 65-ல் நடிக்க உள்ளாராம்.
ஆக, பெரிய நட்சத்திரப் பட்டாளத்துடன் தளபதி 65 இருக்கும் எனக் கூறப்படுகிறது.
