தொழில்நுட்பம்
ட்விட்டரில் இருந்தே இனி வாய்ஸ் மேஸேஜ் அனுப்பலாம் – வருகிறது அசத்தல் அப்டேட்!
ட்விட்டர் நிறுவனம், தங்களின் பயனர்களுக்கு ஒரு புதிய அட்டகாசமான அப்டேட்டை ரோல் அவுட் செய்ய உள்ளது. அதன்படி கூடிய விரைவில் ட்விட்டரில் வாயஸ் மெஸேஜ்களை, டைரக்ட் மெஸேஜ் மூலம் இன்னொருவருக்கு அனுப்ப முடியும்.
தற்போது ட்விட்டர் தளத்தில் வாய்ஸ் மெஸேஜ்களை ட்வீட்களாக அனுப்ப முடியும். அதே நேரத்தில் அதை நேரடி மெஸேஜாக ஒருவருக்கு அனுப்ப முடியாது. இந்நிலையில் இந்த வசதியைத் தங்களது பயனர்களுக்கு கொடுக்க சோதனைகளை நடத்தி வருகின்றது ட்விட்டர் நிறுவனம்.
தற்போதைக்கு இந்தியா, பிரேசில் மற்றும் ஜப்பான் நாடுகளில் இந்த வசதியை குறுகிய வட்டத்துக்கு ட்விட்டர் நிறுவனம் வெளியிட்டு சோதனைகளை நடத்தி வருகிறதாம். ஆண்ட்ராய்டு மற்றும் ஆப்பிள் போன்களில் இந்த வசதியை ஒரு சேர வெளியிட ட்விட்டர் நிறுவனம் திட்டமிட்டு வருகிறது.
தற்போதைக்கு சில பயனர்களுக்கு மட்டும் கொடுக்கப்பட்டு உள்ள இந்த வசதியானது சீக்கிரமே மொத்த நாட்டுக்கும் கிடைக்கும் என்று எதிர்பார்க்கப்படுகிறது. ட்விட்டருக்கு போட்டியாளர்களாக பல்வேறு செயலிகள் மற்றும் இணையதளங்கள் வந்து கொண்டிருக்கும் நிலையில், தங்களது பயனர்களுக்குத் தொடர்ந்து அதிக வசதிகளை அறிமுகம் செய்து வருகிறது ட்விட்டர்.
