சினிமா செய்திகள்
13 ஆண்டுகளுக்குப் பின்னர் மச்சானுக்காக இளம் இசை அமைப்பாளர் உடன் இணையும் ஹரி..!
நடிகர் அருண் விஜய் நடிக்கும் புதிய படத்தை இயக்கி வருகிறார் இயக்குநர் ஹரி. இந்தப் படம் மூலம் 13 ஆண்டுகளுக்குப் பின்னர் மீண்டும் ஒரு இளம் இசை அமைப்பாளர் உடன் இணைகிறார் ஹரி.
இயக்குநர் ஹரி தற்போது தனது மச்சானும் நடிகருமான அருண் விஜய் உடன் ஒரு படத்தில் பணியாற்றி வருகிறார். இன்னும் பெயர் அறிவிக்கப்படாத அந்தப் படத்தில் நாயகன் அருண் விஜய்-க்கு ஜோடியாக நடிகை பிரியா பவானி சங்கர் நடித்து வருகிறார். இந்த ஜோடி ஏற்கெனவே மாஃபியா திரைப்படத்தில் இணைந்து நடித்து இருந்தனர்.
இந்தப் படம் முழுக்க முழுக்க கிராமத்துக் கதை ஒன்றின் அடிப்படையில் எடுக்கப்பட்டு வருகிறதாம். கிராமத்துக் கதை என்பதால் 13 ஆண்டுகளுக்குப் பின்னர் இசை அமைப்பாளர் ஜி.வி.பிரகாஷ் உடன் கூட்டணி அமைத்துள்ளார் இயக்குநர் ஹரி. ஹரி- ஜிவி பிரகாஷ் கூட்டணியில் 13 ஆண்டுகளுக்கு முன்னர் கடந்த 2008-ம் ஆண்டு வந்த படம் சேவல்.
Welcome aboard @priya_Bshankar !! ???????? #AV33 https://t.co/gaqV06xDCp
— ArunVijay (@arunvijayno1) January 27, 2021
