தமிழ்நாடு
4 சுங்கச்சாவடியை மூடி, 24 சுங்கச்சாவடிகளில் கட்டணத்தை உயர்த்திய அரசு: அதிர்ச்சியில் மக்கள்
ஓ.எம்.ஆர். சாலையிலுள்ள 4 சுங்கச்சாவடிகள் மூடியதை அடுத்து பொதுமக்கள் மற்றும் வாகன ஓட்டிகள் மகிழ்ச்சியில் இருந்த நிலையில் தமிழகத்தில் உள்ள 24 சுங்கச்சாவடிகளில் திடீரென கட்டணத்தை உயர்த்தி அறிவிப்பு வெளியாகியுள்ளது பெரும் பரபரப்பை ஏற்படுத்தியுள்ளது
தமிழகத்தில் உள்ள அனைத்து சுங்கச் சாவடிகளையும் ஒழிக்க வேண்டும் என அரசியல் கட்சிகள் கோரிக்கை விடுத்து வரும் நிலையில் தமிழகத்தில் உள்ள 24 சுங்கச்சாவடிகளில் இன்று நள்ளிரவு முதல் கட்டணம் உயர்கிறது என்ற மத்திய அரசின் அறிவிப்பு பொது மக்களுக்கு அதிர்ச்சியை ஏற்படுத்தி உள்ளது
ரூபாய் 5 முதல் 15 வரை 24 சுங்கச்சாவடிகளில் கட்டணம் உயர்த்தப்படுவதாக அறிவிக்கப்பட்டுள்ளது. 4 சுங்கச்சாவடிகளை மூடிவிட்டு 24 சுங்கச்சாவடிகளில் கட்டணத்தை உயர்த்தியது குறித்து பல்வேறு கட்சி தலைவர்கள், லாரி பஸ் கார் உரிமையாளர்கள், சரக்கு போக்குவரத்து வாகன உரிமையாளர்கள் எதிர்ப்பு தெரிவித்து வருகின்றனர். ஆனால் தேசிய நெடுஞ்சாலை ஆணையம் சுங்கச்சாவடி கட்டண உயர்வில் உறுதியாக இருப்பதாக கூறப்படுகிறது
இதனால் காய்கறி உள்ளிட்ட அத்தியாவசிய பொருட்களின் விலை உயரும் அபாயம் இருக்கிறது. ஏற்கனவே பெட்ரோல் டீசல் 100 ரூபாயை நெருங்கியுள்ள நிலையில் சுங்கச்சாவடி கட்டணம் உயர்த்த போடுவதால் பொது மக்கள் தலையில்தான் சுமை விழும் என்பது குறிப்பிடத்தக்கது
இந்த நிலையில் இன்று நள்ளிரவு முதல் கட்டணம் உயர்த்தப்பட உள்ள 24 சுங்கச்சாவடிகளின் விபரங்கள் பின்வருமாறு
ஆத்தூர் (தாம்பரம்-திண்டிவனம்)
நல்லூர் (சென்னை – தடா)
பரனூர் (தாம்பரம்- திண்டிவனம்)
சூரப்பட்டு (சென்னை பைபாஸ்)
வானகரம் (சென்னை பைபாஸ்)
வாணியம்பாடி (கிருஷ்ணகிரி-வாலாஜாபேட்டை)
கிருஷ்ணகிரி (ஓசூர்-கிருஷ்ணகிரி)
லம்பலக்குடி (திருச்சி-காரைக்குடி)
லட்சுமணப்பட்டி (திருச்சி-காரைக்குடி)
போகலூர் (மதுரை-ராமநாதபுரம்)
நாங்குநேரி (நெல்லை-அஞ்சுகிராமம்)
பூதக்குடி (திருச்சி பைபாஸ்-தோவரங்குறிச்சி-மதுரை)
பழையா (கந்தர்வகோட்டை, தஞ்சாவூர்-புதுக்கோட்டை)
பள்ளிகொண்டா (கிருஷ்ணகிரி-வாலாஜாபேட்டை)
சித்தம்பட்டி (திருச்சி பைபாஸ்,
தோவரங்குறிச்சி-மதுரை)
பட்டரைப்பெரும்புதூர் (திருப்பதி-திருத்தணி-சென்னை)
புதுக்கோட்டை (வாகைக்குளம்)
(திருநெல்வேலி-தூத்துக்குடி)
எஸ் வி புரம் (திருப்பதி-திருத்தணி-சென்னை)
சாலைப்புதூர் (மதுரை-திருநெல்வேலி-
பனகுடி-கன்னியாகுமரி)
செண்பகம்பேட்டை (திருமயம்-மானாமதுரை)
எட்டூர்வட்டம் (மதுரை-திருநெல்வேலி-பனகுடி-கன்னியாகுமரி)
திருப்பாச்சேத்தி (மதுரை-ராமநாதபுரம்)
கணியூர் (செங்கப்பள்ளி-கோவை பைபாஸ்)
கப்பலூர் (மதுரை-திருநெல்வேலி-பனகுடி-கன்னியாகுமரி)
