இரண்டாவது நாளாக தொடர்ந்து சரிந்த தங்கம் விலை!

சென்னையில் தங்கம் விலை சர்வதேச தங்க விலையின் நிர்ணயித்துக்கு ஏற்ப குறைந்தும் அதிகரித்தும் வருகிறது என்பதை பார்த்து வருகிறோம். இந்த நிலையில் நேற்று தங்கம் விலை திடீரென சரிந்த நிலையில் இன்று இரண்டாவது நாளாகவும் விலை குறைந்துள்ளது. இன்றைய தங்கம் மற்றும் வெள்ளி விலை குறித்த தகவலை தற்போது பார்ப்போம்.

சென்னையில் நேற்று ஆபரணத் தங்கத்தின் விலை ஒரு கிராம் ரூபாய் 4472.00 என்று விற்பனை ஆகி இந்த நிலையில் இன்று ஒரே நாளில் 20 ரூபாய் குறைந்து ரூபாய் 4452.00 என விற்பனையாகி வருகிறது. அதேபோல் சென்னையில் நேற்று ஆபரணத் தங்கம் ஒரு சவரன் விலை ரூபாய் 35776.00 என விற்பனையாகி வந்த நிலையில் இன்று ஒரே நாளில் 160 குறைந்து ரூபாய் 35616.00 என விற்பனையாகி வருகிறது என்பது குறிப்பிடத்தக்கது.

சென்னையில் இன்று 24 காரட் தங்கம் விலை ஒரு கிராம் ரூபாய் 4816.00 எனவும் ஒரு சவரன் ரூபாய் 38528.00 எனவும் விற்பனையாகி வருகிறது. ஆபரண தங்கம் போலவே சுத்த தங்கமும் ஒரு கிராம் ரூபாய் 20ம், ஒரு சவரன் ரூபாய் 160ம் குறைந்துள்ளது என்பது குறிப்பிடத்தக்கது.

சென்னையில் தங்கத்தின் விலை போலவே வெள்ளியின் விலை இன்று குறைந்துள்ளது. நேற்று வெள்ளியின் விலை ரூ. 69.20 என விற்பனையான நிலையில் இன்று கிராம் ஒன்றுக்கு 10 காசுகள் குறைந்து ரூபாய் 69.10என விற்பனையாகியுள்ளது. இன்று வெள்ளி ஒரு கிலோ விலை ரூபாய் 69100.00 என விற்பனையாகி வருகிறது என்பது குறிப்பிடத்தக்கது.

இன்னும் ஒரு சில நாட்களுக்கு தங்கத்தின் விலை ஏற்ற இறக்கத்துடன் தான் இருக்கும் என்றும் நகை வியாபாரிகள் தெரிவித்துள்ளனர்.