தமிழ்நாடு
நான் திராவிட இனத்தை சேர்ந்தவன்: முதல்வர் ஸ்டாலின் டுவிட்டரில் பதிவு
தமிழக முதல்வராக இன்று காலை 9 மணிக்கு கவர்னர் மாளிகையில் நடந்த எளிய விழாவில் முக ஸ்டாலின் அவர்கள் பதவி ஏற்றுக்கொண்டார். அவரை தொடர்ந்து அமைச்சர்களும் பதவி ஏற்றுக் கொண்டனர் என்பது குறிப்பிடத்தக்கது.
முதல்வர் முக ஸ்டாலின் மற்றும் 33 அமைச்சர்கள் பதவி ஏற்றுக் கொண்டதை அடுத்து சற்று முன்னர் கவர்னர் மாளிகையில் இருந்து முதல்வர் முக ஸ்டாலின் அவர்கள் கிளம்பினார். இந்த நிலையில் தமிழக முதல்வராக ஸ்டாலின் பதவியேற்றுக் கொண்டதை அடுத்து அவருடைய டுவிட்டர் பக்கத்தில் மாற்றம் செய்யப்பட்டுள்ளது.
தமிழக முதல்வர் மற்றும் திமுக தலைவர் என அவருடைய டுவிட்டர் பக்கத்தில் குறிப்பிடப்பட்டுள்ளது. அதுமட்டுமின்றி ’திராவிட இனத்தைச் சேர்ந்தவன் நான்’ என்றும் பதிவு செய்யப்பட்டுள்ளது. இந்த பதிவு தற்போது மிகப்பெரிய அளவில் வைரலாகி வருகிறது என்பது குறிப்பிடத்தக்கது.
திராவிடம் என்பது எங்கள் உயிர் என பெரியார், அண்ணா, கருணாநிதி ஆகியோர் கூறி வந்த நிலையில் தற்போது அதனை முக ஸ்டாலின் பின்பற்றுகிறார் என்பதும் சமூக வலைத்தளத்தில் அவர் திராவிட இனத்தைச் சேர்ந்தவன் என்று பதிவு செய்திருக்கிறார் என்பதும் குறிப்பிடத்தக்கது.