சினிமா செய்திகள்
Thunivu in Netflix: நெட்ஃபிளிக்ஸில் சாதனை படைத்த துணிவு!
கொரோனா காலத்திற்குப் பிறகு இந்தியாவில் OTT தளத்தின் பயன்பாடு அதிகரித்துள்ளது என்று கூறலாம். முன்பெல்லாம் டிவி மற்றும் சினிமா தியேட்டர்கள் என்று இருந்த மக்கள், தற்போது ஒரு படம் வெளியான பிறகு எந்த OTT தளத்தில் வெளியாகும் என்று கேட்கும் அளவுக்கு பிரபலமாகி விட்டது. மேலும் ரசிகர்களைக் கவரும் வகையில் வெளிவரும் முன்னணி நடிகர்களின் படங்களை அதிக விலை கொடுத்து OTT தளங்களும் வாங்குகின்றன.
அதேப்போல் அஜித் நடிப்பில் பொங்கலுக்கு வெளியான படம் துணிவு. கடந்த பிப்ரவரி 8 ஆம் தேதி நெட்ஃபிளிக்ஸ் இல் வெளியானது. தமிழ், தெலுங்கு, கன்னடம், மலையாளம் மற்றும் இந்தி ஆகிய ஐந்து மொழிகளில் ஸ்ட்ரீம் செய்யப்படும் எனவும் அறிவிக்கப்பட்டது.
#BREAKING: For the first time, an Indian movie gets two spots “Within Top 5” of @netflix ‘s Global Top 10 Non-English weekly charts.. ????
Actor #AjithKumar ‘s #Thunivu (Tamil) at No.3 and #Thunivu (Hindi) at No.4 for the week of Feb 6th – Feb 12th.. ???? pic.twitter.com/bvXFEmX2Dz
— Ramesh Bala (@rameshlaus) February 15, 2023
ஒவ்வொரு வாரமும் ஒவ்வொரு பிரிவிலும் டாப் 10 பட வரிசையை நெட்ஃபிளிக்ஸ் நிறுவனம் வெளியிடும். அந்த வகையில் பிப்ரவரி 6 முதல் 12 வாரத்திற்கான பட வரிசையில் துணிவு (தமிழ்) 3வது இடமும், துணிவு (இந்தி) 4வது இடமும் பெற்று சாதனைப் படைத்துள்ளது. ஒரு இந்திய திரைப்படம் “டாப் 5க்குள்” இரண்டு இடங்களைப் பெற்றது இதுவே முதல் முறையாகும்.
நேர்கொண்ட பார்வை, வலிமை படங்களுக்கு பின் தயாரிப்பாளர் போனி கபூர்- இயக்குநர் ஹெச்.வினோத் – நடிகர் அஜித் ஆகியோர் மூன்றாவது முறை கூட்டணியில் உருவான படம் “துணிவு. வாரிசுக்கு போட்டியாக பொங்கல் ஸ்பெஷலாக ஜனவரி 11 வெளியானது. இந்த படத்தில் ஹீரோயினாக மஞ்சு வாரியர் நடித்துள்ளார். ஜான் கொக்கைன், சமுத்திரகனி, ஜி.எம்.சுந்தர், பகவதி பெருமாள், வீரா, அஜய் உள்ளிட்ட பலரும் முக்கிய வேடத்தில் நடித்துள்ளனர்.
இந்த படத்துக்கு ஜிப்ரான் இசையமைத்துள்ளார். படத்தில் ‘சில்லா சில்லா’, ‘காசேதான் கடவுளடா’, ‘கேங்ஸ்டா’ ஆகிய பாடல்கள் வெளியாகி பெரும் வரவேற்பை பெற்றது. துணிவு படத்தின் ட்ரெய்லர் வெளியாகி அஜித் ரசிகர்களின் எதிர்ப்பார்ப்பை அதிகரித்தது. மங்காத்தாவுக்கு பிறகு அஜித் க்ரே கதாபாத்திரமாக நடிக்கும் இப்படம், கிரெடிட் கார்டு, வங்கி மோசடி என பல்வேறு விஷயங்கள் தொடர்பான மோசடிகளை வெளிக்கொணரும் வகையில் எடுக்கப்பட்டுள்ளது.
துணிவு இதுவரை உலகளவில் ரூ.300 கோடிக்கு மேல் வசூல் செய்து உலக அளவில் ரசிகர்களை கவர்ந்துள்ளது என்பது குறிப்பிடத்தக்கது.