இதனால் தான் விஜய்சேதுபதி படத்தில் இருந்து நீக்கப்பட்டேன் – அமலா பால்!

நடிகை அமலா பால் விஜய்சேதுபதி படத்தில் இருந்து விலகிவிட்டார் என்ற செய்தி வந்த நிலையில், தற்போது, நானாக விலகவில்லை. அவர்கள் தான் வெளியேற்றினர் என்றும், அதற்கான காரணத்தையும் ஓபனாக வெளியிட்டுள்ளார் அமலா பால்.

ஈ, புறம்போக்கு எனும் பொதுவுடைமை, பேராண்மை படங்களை இயக்கிய எஸ்.பி. ஜனநாதன் இயக்கத்தில் விஜய்சேதுபதி லாபம் படத்தில் நடித்து வருகிறார். இந்த படத்திற்கு பிறகு அவரது 33வது படத்தை ஜனநாதனின் உதவி இயக்குநரான வெங்கட கிருஷ்ண ரோகநாத் இயக்கத்தில் நடிக்கவும் ஒப்பந்தமாகியுள்ளார்.

இந்த படத்தில் அவருக்கு ஜோடியாக ஒப்பந்தம் செய்யப்பட்ட அமலா பாலை, திடீரென படக்குழு வெளியேற்றியுள்ளது. ஆனால், அவராக விலகிவிட்டார் என அறிவித்தனர்.

இந்நிலையில், ஆடை படத்தின் டீஸரை பார்த்த பிறகே படக்குழு என்னை வெளியேற்றியுள்ளது. அந்த படத்தில் நான் நிர்வாணமாக நடித்ததை பிடிக்காமலேயே இந்த முடிவை அவர்கள் எடுத்திருப்பதாக அறிகிறேன் என அமலாபால் தனது நீண்ட அறிக்கையில் தெரிவித்துள்ளார்.