தமிழ்நாடு
திருவாரூர் அதிமுக வேட்பாளர் யார்? நாளை அறிவிப்பு
திருவாரூர் இடைதேர்தல்தான் தமிழ்நாட்டில் உள்ள அனைத்து கட்சிகளையும் தற்போது ஆட்டுவித்துக் கொண்டு இருக்கிறது.
சென்னை: திருவாரூரில் போட்டியிடவுள்ள அதிமுக வேட்பாளர் பெயர் நாளை அறிவிக்கப்படும் என்று துணை முதல்வர் ஓ.பன்னீர்செல்வம் பேட்டி அளித்துள்ளார்.
திருவாரூர் இடைதேர்தல்தான் தமிழ்நாட்டில் உள்ள அனைத்து கட்சிகளையும் தற்போது ஆட்டுவித்துக் கொண்டு இருக்கிறது. இந்த தேர்தலுக்கான வேட்பாளரை திமுகவும், அமமுகவும் ஏற்கனவே அறிவித்துவிட்டது.
முதல் ஆளாக நாம் தமிழர் வேட்பாளரை அறிவித்தது. இந்த நிலையில் அதிமுக யாரை வேட்பாளராக நிறுத்தும் என்ற எதிர்ப்பார்ப்பு எகியுள்ளது.
இரண்டு நாட்களுக்கு முன்பே இன்று அதிமுக வேட்பாளர் குறித்த அறிவிப்பு வெளியாகும் என எதிர்பார்க்கப்பட்டது. திருவாரூர் அதிமுக வேட்பாளரை தேர்வு செய்ய அதிமுக ஆட்சிமன்ற குழு கூட்டம் இரண்டு நாள் முன் நடப்பதாக இருந்தது. ஆனால் இந்த கூட்டம் திடீரென ஒத்திவைக்கப்பட்டது. இது தமிழக அரசியல் வட்டாரத்தில் பரபரப்பை ஏற்படுத்தியது.
