அதிர்ச்சியாகத் தகவல் “பிக் பாஸ் 2“ பார்க்காத ஓவியா டுவிட் பதிவு

விஜய் டிவியில் ஒளிபரப்பாகி வரும் “பிக்பாஸ் சீசன் 2“  நிகழ்ச்சி காரசாரமாக சென்று கொண்டிருக்கும் நிலையில், நடிகை ஓவியா ஆர்மி பிக்பாஸ் நிகழ்ச்சி குறித்து ரசிகர்களின் கேள்விகளுக்கு பதிலளித்துள்ளார்.

பல்வேறு எதிர்ப்புகளுக்கு மத்தியிலும், விஜய் தொலைக்காட்சியில் ஒளிபரப்பாகி வரும் பிக்பாஸ் நிகழ்ச்சி, 60 எபிசோடுகளுக்கு மேல் கடந்து வெற்றிகரமாக ஒளிபரப்பாகிக் கொண்டிருக்கிறது.

இரண்டாவது சீசனின் 69வது எபிசோடு இன்று ஒளிபரப்பாக உள்ளது. இன்றுதான் நிகழ்ச்சியின் வைல்டு கார்டு என்ட்ரியாக நுழைந்துள்ள விஜயலட்சுமி பங்பேற்பது ஒளிபரப்பாக உள்ளது.

பிக்பாஸ் முதல் சீசனில், ஓவியா, ஆரவ், ஜூலி என ஏராளமான சுவாரசிய கதாபாத்திரங்கள் இருந்தாலும், இரண்டாவது சீசன் என்னமோ கொஞ்சம் சுமாராகத்தான் இருக்கிறது என்ற வாதங்கள் அடிக்கடி வருகின்றன. மேலும் இந்த சீசனின் போட்டியாளர்கள் உண்மையாக இல்லை என்ற குற்றச்சாட்டை கமல்ஹாசன் உட்பட அனைவரும் முன் வைக்கின்றனர்

இந்நிலையில் பிக்பாஸ் குறித்து நடிகை ஓவியாவிடம், டுவிட்டரில் கேள்வியெழுப்பிய ரசிகர் ஒருவர், ”பிக்பாஸ் வீட்டில் உங்களது இடத்தை யாரும் நிரப்பவில்லை. இருப்பினும் மும்தாஜ் நேர்மையாக இருக்கிறார். நீங்கள் தான் லெஜண்ட் என்று குறிப்பிட்டுள்ளார். அதற்கு பதிலளிக்கும் விதமாக நடிகை ஓவியா, பிக்பாஸ் வீட்டில் என்னதான் நடக்கிறது என்றும், என்னவோ அனைத்தும் நன்றாக சென்றுக் கொண்டிருக்கும் என்று நம்புகிறேன் என்றும் குறிப்பிட்டுள்ளார்.

பிக் பாஸ் நிகழ்ச்சி மூலம் பிரபலமாகப் பேசப்பட்ட ஓவியா ஆர்மி இந்த சீசனை பார்ப்பதில்லை என்று கூறியிருப்பது அவருடைய ஆர்மி ஆட்களுக்கும், பிக் பாஸ் ரசிகர்களுக்கம் அதிர்ச்சியாக தகவல்தான்.