சினிமா செய்திகள்
பிகில் படத்தின் முக்கிய புகைப்படம் லீக்; அதிர்ச்சியில் படக்குழு!
விஜய்யின் பிகில் படம் வருகிற தீபாவளிக்கு ரிலீசாகிறது. அடுத்த மாதம் படத்தின் பாடல்கள் வெளியாகும் என எதிர்பார்க்கப்படுகிறது.
இந்நிலையில், பிகில் படத்தில் விஜய் பயன்படுத்தும் ஐடி கார்டு புகைப்படம் இணையத்தில் கசிந்துள்ளது. அந்த புகைப்படம் வைரலாக ஷேர் ஆகி வரும் நிலையில், இந்த தகவல் அறிந்த படக்குழு அதிர்ச்சியில் உள்ளனர்.
அந்த ஐடி கார்டில், விஜய்யின் பெயர் மைக்கேல் என்றும், தமிழ்நாடு மகளிர் கால்பந்தாட்ட அணியின் தலைமை பயிற்சியாளர் என்றும் குறிப்பிடப்பட்டுள்ளது.
பெண்கள் கால்பந்தாட்ட போட்டியை மையமாக வைத்து எடுக்கப்பட்டு வரும் படம் பிகில் என பலருக்கும் தெரிந்த நிலையில், இப்படியொரு படு சீக்ரெட்டான புகைப்படம் வெளியாகி இருப்பதால், இன்னும் என்ன என்ன முக்கியம் வாய்ந்த தகவல்கள் கசியப்போகிறது என்ற டென்ஷனில் இயக்குநர் அட்லி மற்றும் தயாரிப்பு குழு ஆழ்ந்த ஆலோசனையில் ஈடுபட்டுள்ளனர்.
படப்பிடிப்பு தளங்களில் கூடுதல் ஜாக்கிரதையாகவும் பாதுகாப்போடும் இருக்கும்படியும் உதவி இயக்குநர்களுக்கும் கட்டளை பிறப்பித்துள்ளாராம் அட்லி.
இன்னும் இந்த படத்தில் நயன்தாரா லுக் சீக்ரெட்டாக வைக்கப்பட்டு வருவதும் குறிப்பிடத்தக்கது.