சினிமா செய்திகள்
கங்கனா பட போஸ்டரை விமர்சித்த தீபிகா படுகோனே அறக்கட்டளை
நடிகை கங்கனா ரனாவத், நடிகர் ராஜ்குமார் ராவ் நடிப்பில் உருவாகியுள்ள மெண்டல் ஹை கியா படத்தின் போஸ்டர் வெளியாகியுள்ளது. இந்த போஸ்டரை பார்த்த தீபிகா படுகோனேவின் மனநலம் பாதிக்கப்பட்டோருக்கான அறக்கட்டளை ட்விட்டரில் விமர்சித்துள்ளது.
மனநலம் பாதிக்கப்பட்டோரை கேவலமாக இந்த போஸ்டர் சித்தரிப்பதாக தீபிகா படுகோனே 2015ம் ஆண்டு ஆரம்பித்த TLLL – The Live Love Laugh foundation தனது ட்விட்டர் பக்கத்தில் இந்தியா உள்பட உலகில் பல லட்சம் பேர் மனநலம் பாதித்துள்ளனர். அவர்களின் மனங்களை புண்படும் வகையில் மெண்டல் போன்ற வார்த்தைகளை படத்தின் தலைப்பாக வைத்து ஏன் கொச்சைப் படுத்துகின்றீர்கள் என அந்நிறுவனம் விமர்சித்துள்ளது.
இதுபோன்ற எண்ணங்களுக்கு ஆதரவு அளிக்கக் கூடாது என்றும் இதற்கு முற்றுப்புள்ளி வைக்க வேண்டும் என்றும் அந்த அமைப்பு தெரிவித்துள்ளது.
அதற்கு கங்கனா தரப்பில் பதிலளித்த அவரது தங்கை ரங்கோலி, கர்ணி சேனா அமைப்பை போல வந்து விடாதீர்கள்.. 2 ஆண்டுகளுக்கு முன்னர் கங்கனாவின் எக்ஸ் பாய்பிரண்ட், கங்கனாவை மெண்டல், பைபோலார் என திட்டும்போது எங்கே போனீர்கள் என கேள்வி எழுப்பியுள்ளார்.
மெண்டல் ஹை கியா படம் வரும் ஜூன் 21ம் தேதி வெளியாகிறது.