தமிழ்நாடு
தங்க தமிழ்ச்செல்வன் தினகரனை மோசமாக திட்டும் ஆடியோ: பரபரப்பில் அரசியல் களம்!
அமமுக முக்கிய தலைவராகவும், அந்த கட்சியின் கொள்கைப் பரப்புச் செயலாளராகவும் இருக்கும் தங்க தங்க தமிழ்ச்செல்வன் மீண்டும் தாய் கழகமான அதிமுகவில் இணைய உள்ளதாக கூறப்படுகிறது. இது அரசியல் வட்டாரத்தில் மிகவும் பரபரப்புடன் பேசப்படுகிறது.
தேர்தல் தோல்வி குறித்து தினகரன் திருச்சியில் இருந்து ஆய்வு கூட்டத்தை நடத்த இருந்த நிலையில், தங்க தமிழ்ச்செல்வன் தனியாக தேனியில் கூட்டத்தை கூட்டியது தினகரன் தரப்பை டென்ஷன் ஆக்கியது. இதனையடுத்து தினகரன் தங்க தமிழ்ச்செல்வனை எச்சரித்ததாகவும் இதன்பிறகு இருவருக்கும் இடையே மோதல் அதிகமானதாகவும் கூறப்படுகிறது.
இதன் பின்னணியில் தங்க தமிழ்ச்செல்வன் அமைச்சர் ஒருவரின் ஏற்பாட்டின் பேரில் எடப்பாடி பழனிசாமியுடன் இணைய உள்ளதாக பேசப்படுகிறது. இந்நிலையில் தினகரனின் உதவியாளர் ஜனாவிடம் தங்க தமிழ்ச்செல்வன் பேசிய போன் உரையாடல் ஒன்று வெளியாகி உள்ளது. அதில், உங்க அண்ணன் எங்கப்பா என கேட்கிறார் தங்கதமிழ்ச்செல்வன். அதற்கு அவர், அண்ணன் நான் ஊரில இல்லை என்கிறார் ஜனா.
உடனே கோபப்படும் தங்கதமிழ்ச்செல்வன், இந்த மாதிரி பொட்டத்தனமான அரசியல் பண்ணறதை நிறுத்தச் சொல்லுப்பா உங்க அண்ணணை. நான் விஸ்வரூபம் எடுத்தால், நீங்க அழிஞ்சு போவீங்க. நான் நல்லவன். நேற்று தேனில கூட்டம் போட்டேன். நாளைக்கு நான் மதுரைல கூட்டம் போடவா? பாரு. என்ன நடக்குதுனு பாரு. இந்த பேடித்தனமான அரசியல பண்ண வேணாம்னு உங்க அண்ணன்ட சொல்லிடு. தோத்துப்போவ, என்னைக்கும் ஜெயிக்க மாட்ட கோபமாக பேசுகிறார் தங்கம்.
இந்த ஆடியோ வெளியானது தங்க தமிழ்ச்செல்வன் அதிமுகவில் இணைவதை மேலும் உறுதிபடுத்துகிறது. மேலும் தினகரன் குறித்து இந்த ஆடியோவில் தங்க தமிழ்ச்செல்வன் பேசிய வார்த்தைகள் அரசியல் களத்தை பரபரப்பாக்கியுள்ளது.