சினிமா
இன்ஸ்டாகிராமில் இணைந்த விஜய்; கீர்த்தி சுரேஷ் என்ன பண்ணாரு தெரியுமா?
தளபதி என தமிழ்நாடு சினிமா ரசிகர்கள் கொண்டாடி வரும் நடிகர் விஜய் இன்று திடீரென இன்ஸ்டாகிராமில் இணைந்து ரசிகர்களை ஆச்சர்யத்தில் ஆழ்த்தி உள்ளார்.
இயக்குநர் லோகேஷ் கனகராஜ் இயக்கத்தில் உருவாகி வரும் லியோ படத்தில் நடித்து வரும் நடிகர் விஜய் முதல் 60 நாள் ஷூட்டிங்கை முடித்த நிலையில், அடுத்த 60 நாட்கள் ஷூட்டிங்கில் நடித்து வருகிறார்.
கடந்த பிப்ரவரி மாதம் காஷ்மீருக்கு லியோ படக்குழுவுடன் பறந்து சென்ற நடிகர் விஜய் அங்கே எடுத்துக் கொண்ட அழகான புகைப்படத்தை தனது இன்ஸ்டாகிராம் பக்கத்தில் பதிவிட்டு லைக்குகளை அள்ளி வருகிறார்.
நடிகர் விஜய் இன்ஸ்டாகிராம் இணைந்த சில மணி நேரத்திலேயே ஒரு மில்லியன் பேர் அவருக்கு ஃபாலோயர்களாக மாறிவிட்டனர். இயக்குநர் லோகேஷ் கனகராஜ் உள்ளிட்ட பிரபலங்களும் நடிகர் விஜய்யின் இன்ஸ்டாகிராம் ஐடியை ஃபாலோ செய்து வருகின்றனர்.
விஜய் இன்ஸ்டா பக்கத்தில் இணைந்த சில நிமிடங்களிலேயே நடிகை கீர்த்தி சுரேஷ் அவரை ஃபாலோ செய்துள்ளதும் ரசிகர்களை வியப்பில் ஆழ்த்தி உள்ளது.
மேலும், நடிகை சம்யுக்தா மேனன் உள்ளிட்ட பலரும் நடிகர் விஜய்யின் இன்ஸ்டாகிராம் ஐடியை ஃபாலோ செய்து வருகின்றனர். ட்விட்டர் உள்ளிட்ட சமூக வலைதள பக்கங்களில் நடிகர் விஜய்யின் ஹாஷ்டேக் டிரெண்டாகி வருகின்றன.
ட்விட்டரில் புதிய படங்களின் போஸ்டர்கள், டீசர்கள் உள்ளிட்டவற்றை வெளியிட்டு வரும் நடிகர் விஜய் இனிமேல் இன்ஸ்டாகிராமிலும் தனது படத்தை பெரியளவில் புரமோஷன் பண்ண உள்ளாரா என்கிற கேள்வியும் விஜய்யின் அழகான புகைப்படங்கள் மற்றும் வீடியோக்கள் இன்ஸ்டாகிராமில் வெளியாகும் என தெரிகிறது.
சமீபத்தில் நடிகைகள் ஜோதிகா, ஷாலினி உள்ளிட்டவர்கள் இன்ஸ்டாகிராமில் இணைந்த நிலையில், தற்போது நடிகர் விஜய் இன்ஸ்டாகிராம் பக்கத்தில் இணைந்துள்ளார்.