சினிமா செய்திகள்
தளபதி 64 சாட்டிலைட் உரிமையை வங்கிய பிரபல டிவி நிறுவனம்.. எவ்வளவு கோடி தெரியுமா?
பிகில் படத்தைத் தொடர்ந்து தளபதி 64 படத்தின் சாட்டிலைட் உரிமையையும் சன் டிவி கைப்பற்றியுள்ளதாகச் செய்தி சுருள் தளத்திற்குக் கிடைத்த தகவல்கள் கூறுகின்றன.
சன் டிவி பிகில் திரைப்படத்தின் சாட்டிலைட் உரிமையை இந்தி மொழி இல்லாமல் 30 கோடி ரூபாய்க்கு வாங்கியிருந்தது.
இந்நிலையில் லோகேஷ் கனகராஜ் இயக்கி வரும் தளபதி 64 திரைப்படத்தை சன் டிவி இந்தி மொழி இல்லாமல் 35 கோடி ரூபாய்க்கு கைப்பற்றியுள்ளதாகத் தகவல்கள் கூறுகின்றன.
பிகில் திரைப்படம் தீபாவளிக்கு வெளியாகுமா என்று கேள்விகள் ஒரு பக்கம் எழுந்து வரும் நிலையில், படத்தைத் தயாரித்த ஏஜிஎஸ் நிறுவனம் அதைப் பற்றி எந்த ஒரு அதிகாரப்பூர்வ தகவல்களையும் வெளியிடாமல் உள்ளது.
பிகில் வெளியாவதில் சிக்கல் உள்ளது என்று கூறப்பட்டாலும், ஆளும் அட்சி எதுவும் செய்யாது. படத்தை வெளியிடச் சிக்கல் கொடுத்தால் கண்டிப்பாக அது விஜய் ரசிகர்களின் எதிர்ப்பைச் சம்பாதிக்கும் விதமாக இருக்கும். இன்னும் இரு வருடத்தில் தேர்தல் வேறு வர உள்ளது. எனவே ஆளும் கட்சி சார்பில் எந்தச் சிக்கலும் வராது. படம் தீபாவளிக்குக் கண்டிப்பாக வெளியாகிவிடும் என்று கூறப்படுகிறது.
மறுபக்கம் தளபதி 64 குறித்த அறிவிப்புகள் வெளியாகி அந்தப் படத்தின் மீதான ரசிகர்களின் ஆர்வத்தை அதிகரித்து வருவதும் குறிப்பிடத்தக்கது.
