சினிமா செய்திகள்
தளபதி 63 ஃபர்ஸ்ட் லுக் எப்போது? அதிகாரப்பூர்வ அறிவிப்பு வெளியீடு!
விஜய் நடிப்பில் இன்னும் பெயரிடப்படாத தளபதி 63 திரைப்படத்தின் ஃபர்ஸ்ட் லுக் எப்போது வெளியாகும் என்று தயாரிப்பாளர் அர்ச்சனா கல்பாத்தி அதிகாரப்பூர்வமாக அறிவித்துள்ளார்.
தெறி, மெர்சல் படங்களைத் தொடர்ந்து அட்லி கூட்டணியில் மூன்றாவது முறையாக விஜய் இணைந்திருக்கும் திரைப்படம் இதுவென்பதால் ரசிகர்களிடையில் பெரும் எதிர்பார்ப்பை ஏற்படுத்தியுள்ளது.
இந்தப் படத்தில் விஜய் ஜோடியாக நயன்தாரா நடிக்கிறார். பெண்கள் கால்பந்து விளையாட்டை மையக் கருவாக வைத்து இந்தப் படம் உருவாகி வருகிறது.
விஜய் கால் பந்து பயிற்சியாளராகவும், தந்தை, மகன் என இரண்டு வேடங்களில் நடிப்பதாகவும் தகவல்கள் கூறுகின்றன. படத்தில் விஜய் பெயர் மைக்கேல் என்று இருக்கும் என்று கூறப்படுகிறது. இந்தியில் மை-கேல் என்றால் எனது விளையாட்டு என்றும் பொருள் உண்டு.
எனவே மைக்கேல் என்பதே படத்தின் தலைப்பாகவும் இருக்கும் என்று கூறப்பட்டு வருகிறது.
21-06-19 / 5:59 pm will be the last time you will use the #Thalapathy63 .. After that it will be …………………. This first look will exceed all expectations #ThalapathyBDayCelebrations ???????? pic.twitter.com/ZzLwIychvK
— Archana Kalpathi (@archanakalpathi) June 19, 2019
இந்நிலையில் தளபதி 63-ன் ஃபர்ஸ்ட் லுக் ஜூன் 21-ம் தேதி மாலை 6 மணிக்கு வெளியாக உள்ளதாக படக்குழுவினர் அதிகாரப்பூர்வமாக அறிவித்துள்ளனர். மேலும் இரண்டாவது லுக் 22-ம் தேதி நள்ளிரவிலும் வெளியாக உள்ளது.
தெறி, மெர்சல் மற்றும் சர்கார் என தீபாவளிக்கு ரிலீசான விஜய் படங்களின் ஃபர்ஸ்ட்லுக் மற்றும் டைட்டில் அறிவிப்பு ஜூன் 21ம் தேதி மாலை 6 மணிக்குத்தான் வெளியாகி வந்தது.