சினிமா செய்திகள்
5 மொழிகளில் தளபதி விஜய்யின் ‘பீஸ்ட்’ : சன் பிக்சர்ஸ் அறிவிப்பு!
தளபதி விஜய் நடித்த ‘பீஸ்ட்’ திரைப்படம் ஏப்ரல் 13-ஆம் தேதி உலகம் முழுவதும் பிரமாண்டமாக திரையரங்குகளில் வெளியாக உள்ளது என்பதும் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது என்பது தெரிந்ததே.
இந்நிலையில் இந்த படம் தற்போது பான் இந்தியா திரைப்படமாக ஐந்து மொழிகளில் வெளியாக இருப்பதாக தகவல் வெளியாகியுள்ளது. தமிழ் தெலுங்கு மலையாளம் கன்னடம் ஹிந்தி என 5 மொழிகளில் பான் இந்தியப் படமாக இந்த படம் ரிலீஸாவது உறுதி செய்யப்பட்டுள்ளதாகவும் இதுகுறித்து அதிகாரபூர்வ அறிவிப்பை சன் பிக்சர்ஸ் நிறுவனம் இன்னும் சில மணி நேரங்களில் அறிவிக்கும் என்று எதிர்பார்க்கப்படுகிறது.
தற்போது மாஸ் நடிகர்களின் திரைப்படங்கள் அனைத்துமே பான் இந்தியா திரைப்படமாக தான் வெளியாகி வருகிறது என்பதும் அந்த வகையில் ‘பீஸ்ட்’ திரைப்படமும் பான் இந்தியத் திரைப்படமாக வெளியாவது உறுதி செய்யப்பட்டுள்ளது என்பது குறிப்பிடத்தக்கது.
