சினிமா
“அலாவுதின்“ படத்தின் டீசர் வெளியானது!
பிரபல கார்ட்டூன் கதையான அலாவுதினே தொகுக்கப்பட்டுப் படமாக வெளியானது 1992ல் வெளியாகி அனைவரின் மனதையும் கொள்ளையடித்த படம் “அலாவுதின்“. அனிமேஷன் படமான இதைத் தற்போது டிஸ்னி ரீமேக் செய்கிறது.
இந்தப் படத்தில் அலாவுதினாக மேனா மஸோதும், இளவரசி ஜாஸ்மீனாக நவோமி ஸ்காட்டும் நடிக்கின்றனர். இதில் வரும் ஜீனி கதாப்பாத்திரம் 90இஸ் கிட்ஸ் மத்தியில் பெரும் தாக்கத்தை ஏற்படுத்தியது.
இந்த ஜீனி கதாப்பாத்திரத்தில் நடிகர் வில்ஸ் ஸ்மித் நடிக்கின்றார். இவர் ஏற்கனவே சூசைட் ஸ்குவாட், மென் இன் பிளாக் போன்ற படங்கள் மூலமாகக் குழந்தைகள் மனதைக் கவர்ந்தவர்.
ஏற்கனவே இந்தப் படத்தின் ஃபர்ஸ்ட் லுக் வெளியாகி அனைவரின் மனதையும் கவர்ந்தது. இந்நிலையில் இந்தப் படத்தின் டீசரை டிஸ்னி வெளியிட்டுள்ளது. இதில் முற்றிலும் புதிய உலகைக் காட்டியுள்ளனர்.
கனக்கச்சிதமான பின்னணி இசையிடம் பிரமாண்ட உலகை இந்த டீசரில் வெளிக்காட்டியுள்ளனர். இது ஜீனியின் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.