வணிகம்
டிசிஎஸ் லாபம் 10% அதிகரிப்பு.. வருவாய் ரூ.55,300 கோடி ரூபாய்.. முதலீட்டாளர்களுக்கு டிவிடண்ட் அறிவிப்பு.. 2-ம் காலாண்டு முடிவுகள்!
இந்தியாவின் மிகப் பெரிய ஐடி சேவைகள் நிறுவனமான டாடா கன்சல்டன்சி சர்வீசஸ் (டிசிஎஸ்) 2022-2023 நிதியாண்டும் 2-ம் காலாண்டு அறிக்கையைத் திங்கட்கிழமை வெளியிட்டது.
லாபம் அதிகரிப்பு
டிசிஎஸ் நிறுவனத்தின் ஜூலை முதல் செப்டம்பர் வரையிலான காலாண்டு முடிவில் லாபம் 10,431 கோடி ரூபாயாக அதிகரித்துள்ளது. ஏப்ரல் முதல் ஜூன் மாதம் வரையிலான முதல் காலாண்டும் லாபம் 9,478 கோடி ரூபாய். இரண்டாம் காலாண்டில் லாபம் 10 சதவீதம் அதிகரித்துள்ளது.
எதிர்பார்ப்பை மிஞ்சிய வருவாய்
டிசிஎஸ் நிறுவனத்தின் 2-ம் காலாண்டு வருவாய் 3 சதவீத வளர்ச்சி இருக்கும் என வல்லுநர்கள் கணித்து இருந்தனர். ஆனால் அது 4.8 சதவீதம் அதிகரித்து 55,309 கோடி வருவாய் பெற்றுள்ளதாக டிசிஎஸ் தெரிவித்துள்ளது.
தேவை வலுவாக உள்ளது
ஐடி சேவைகள் துறையின் தேவை வலுவாக உள்ளது என டிசிஎஸ் தனது காலாண்டு முடிவில் தெரிவித்துள்ளது. சென்ற காலாண்டில் இறுதியில் நிறுவனத்தின் ஆர்டர் புத்தக மதிப்பு 8.1 பில்லியன் டாலராக உள்ளது.
சிறந்த பிரிவுகள்
அதிகபட்சமாக கம்யூனிகேஷன்ஸ் பிரிவு சிறப்பாக 10 சதவீத வளர்ச்சியைப் பெற்றுள்ளது. வங்கி, நிதி சேவைகள் மற்றும் காப்பீட்டுப் பிரிவு 6 சதவீத வளர்ச்சியைப் பெற்றுள்ளது. ரீடெயில் பிரிவு 5 சதவீத வளர்ச்சியைப் பெற்றுள்ளது.
சந்தை வாரியன செயல்திறன்
டிசிஎஸ் தனது பிராதான சந்தையான வட அமெரிக்கா (17.6%) மற்றும் ஐரோப்பிய (14.1) பகுதி வர்த்தகத்தில் இரட்டை இலக்க வளர்ச்சியைப் பெற்றுள்ளது.
ஊழியர்கள் எண்ணிக்கை
இரண்டாம் காலாண்டில் 20 ஆயிரம் ஃப்ரெஷர்களை டிசிஎஸ் பணிக்கு எடுத்துள்ளது. அதற்கு முந்தைய காலாண்டுடன் ஒப்பிடும் போது இது 33 சதவீதம் அதிகம். நடப்பு நிதியாண்டில் இதுவரையில் 35,000 நபர்களை பணிக்கு எடுத்துள்ளது. சென்ற ஆண்டு இதுவே 43,000 ஆக இருந்தது.
ஊழியர்கள் வெளியேறும் எண்ணிக்கை
டிசிஎஸ் நிறுவனத்திலிருந்து ஊழியர்கள் எண்ணிக்கை 21.5 சதவீதமாக உள்ளது.
டிசிஎஸ் டிவிடண்ட்
டிசிஎஸ் நிறுவனப் பங்குகளை வைத்துள்ளவர்களுக்கு மகிழ்ச்சி அளிக்கும் செய்தியாகப் பங்கு ஒன்றுக்கு 8 ரூபாய் டிவிடண்ட்டாக அறிவிக்கப்பட்டுள்ளது.
பங்குகள்
டிசிஎஸ் நிறுவனத்துக்கு இது வலுவான காலாண்டு முடிவாக இருக்கும் என கணிக்கப்பட்டு இருந்ததை அடுத்து, சந்தை நேர முடிவில் பங்குகளின் விலை 1.93 சதவீதம் அதிகரித்து 3,124 ரூபாயாக வர்த்தகம் செய்யப்பட்டு இருந்தது.