சினிமா செய்திகள்
மலையாள ஹாரர் படத்தில் தமன்னா!
சென்ட்ரல் ஜெயில் பிரீதம் என்னும் மலையாள படத்தின் மூலமாக மலையாள திரையுலகில் அறிமுகமாகவுள்ளார் நடிகை தமன்னா.
தமிழ், தெலுங்கு, இந்தி, கன்னடம் ஆகிய திரையுலகங்களில் நடித்த தமன்னா முதல் முறையாக மலையாள படம் ஒன்றில் நடிக்கவுள்ளார். தேவி, தேவி 2 போன்ற ஹாரர் படங்களில் நடித்த தமன்னா தற்போது பெட்ரோமாக்ஸ் என்னும் ஹாரர் படத்தில் நடித்துவருகிறார். மேலும் சுந்தர்.சி இயக்கத்தில் விஷால் கதாநாயகனாக நடிக்கும் படம் ஆக்சன், இந்த படத்திலும் தமன்னா கதாநாயகியாக நடிக்கிறார்.
இந்நிலையில் சத்யா மேனன் இயக்கும் சென்ட்ரல் ஜெயில் பிரீதம் என்னும் படத்தில் தமன்னா நடிக்கவுள்ளார். ஜெயிலுக்குள் பேய் இருக்கும் கதையை காமெடி கலந்து கூறும் வகையில் இந்த படம் உருவாகவுள்ளது.
