சினிமா
இந்திப்படம் இயக்கி தேசிய அரசியலில் ஈடுபட உள்ள டி.ராஜேந்தர்!
நடிகர், இயக்குநர், பாடகர் என்ன பல முகங்களை கொண்ட இலட்சிய திராவிட முன்னேற்றக்கழகத்தின் நிறுவனத்தலைவர் டி.ராஜேந்தர் தேசிய அரசியலில் ஈடுபட உள்ளதாக தெரிவித்துள்ளார்.
டி.ராஜேந்தர் அதிரடியாக பேசுபவர். அவரது பேட்டிகளில் அனல் பறக்கும் அடுக்கு மொழியில் பேசி பேட்டியை சுவாரஸ்யமாக கொண்டு செல்பவர். இவர் இலட்சிய திராவிட முன்னேற்றக்கழகம் என்ற ஒரு கட்சியை வைத்துள்ளார். ஆனால் அந்த கட்சி செயல்பாடு இல்லாமல் பெயரளவில் தான் உள்ளது. அவ்வப்போது இலட்சிய திராவிட முன்னேற்றக்கழகத்தின் அரசியல் நிலைப்பாடு குறித்து பேட்டியளிப்பார் அவர்.
இந்நிலையில் நேற்று டி.ராஜேந்தர் செய்தியாளர்களை சந்தித்தார். அப்போது அவர், வரும் 3-ம் தேதி இலட்சிய திமுகவின் பொதுக்குழு கூட்டம் நடைபெற உள்ளது. கோவை, ஈரோடு மாட்டங்களில் சுற்றுப்பயணம் மேற்கொள்ள விருக்கிறேன் என்றார். மேலும், தான் தேசிய அரசியலில் ஈடுபட உள்ளதால் இந்திப்படம் இயக்கவிருக்கிறேன் என்று தெரிவித்துள்ளார் அவர்.
