சூர்யா பிறந்தநாள் காமன் டிபி போஸ்டர்! ஸ்டுடியோக்ரீன் நிறுவனம் வெளியீடு!

சூர்யா பிறந்தநாள் வரும் 23ஆம் தேதி வரவிருக்கும் நிலையில் பிறந்தநாளுக்கு இன்னும் ஒருசில நாட்களே இருப்பதால் சூர்யா ரசிகர்கள் இப்போதே பிறந்தநாள் கொண்டாட்டத்தை தொடங்கி விட்டனர். சூர்யாவின் பிறந்த தினத்தில் குழந்தைகள் இல்லம் மற்றும் முதியோர் இல்லத்திற்கு சென்று உணவு மற்றும் இனிப்புகள் கொடுக்கவும் சூர்யா ரசிகர்கள் திட்டமிட்டுள்ளனர்.

அதுமட்டுமின்றி பல அரசு மருத்துவமனைகளில் ஆக்சிஜன் உள்ளிட்ட கொரோனா வைரஸ் நோயாளிகளுக்கு தேவையான மருந்து பொருள்களை கொடுக்கவும் திட்டமிட்டுள்ளதாக தகவல் வெளிவந்துள்ளது.

இந்த நிலையில் மாஸ் நடிகர்களின் பிறந்த நாளின்போது காமன் டிபி போஸ்டர் வெளியிடும் வழக்கம் கடந்த சில ஆண்டுகளாக நடைபெற்று வருகிறது. அந்த வகையில் சூர்யாவின் பிறந்த நாளையொட்டி தற்போது ஸ்டூடியோ கிரீன் நிறுவனத்தினர் காமன் டிபி போஸ்டரை வெளியிட்டுள்ளனர்.

அட்டகாசமாக உருவாக்கியுள்ள இந்த போஸ்டர் தற்போது வைரலாகி வருகிறது என்பது குறிப்பிடத்தக்கது. இதனை அடுத்து சூர்யாவின் பிறந்தநாள் கொண்டாட்டம் தொடங்கிவிட்டதாக ரசிகர்கள் கருத்து தெரிவித்து வருகின்றனர்.

மேலும் சூர்யாவின் பிறந்த நாளில் சூர்யா நடித்து வரும் ’சூர்யா 40’ திரைப்படத்தின் பர்ஸ்ட் லுக் போஸ்டர் வெளியாக உள்ளதாகவும் தகவல்கள் வெளிவந்துள்ளது. இத்னால் சூர்யாவின் பிறந்த நாளில் அவருடைய ரசிகர்களுக்கு செம்ம விருந்து காத்திருக்கிறது என்பது குறிப்பிடத்தக்கது.

seithichurul

See Full Bio