வெறித்தனம்.. வெறித்தனம்! சூர்யா 42 படத்துக்காக சிக்ஸ் பேக் வைக்கும் சூர்யா.. வைரலாகும் வீடியோ!

இயக்குநர் சிறுத்தை சிவா இயக்கத்தில் சூர்யா 42 படத்தில் நடித்து வரும் நடிகர் சூர்யா ஜிம்மில் கடுமையாக வொர்க்கவுட் செய்யும் வீடியோ சோஷியல் மீடியாவில் வைரலாகி வருகிறது.

கெளதம் மேனன் இயக்கத்தில் வாரணம் ஆயிரம் படத்தில் சிக்ஸ்பேக் வைத்து ஒட்டுமொத்த பெண் ரசிகைகளையும் கவர்ந்த சூர்யா மீண்டும் அதே போல சிக்ஸ்பேக் வைக்க ஆரம்பித்து விட்டார் என அவரது வொர்க்கவுட் வீடியோவை பார்த்த ரசிகர்கள் சமூக வலைதளங்களில் கமெண்ட் செய்து சூர்யாவின் லேட்டஸ்ட் வீடியோவை அதிகம் பகிர்ந்து வருகின்றனர்.

கார்த்தி நடித்த சிறுத்தை படத்தை இயக்கி சிறுத்தை சிவாவாக மாறிய இயக்குநர் சிவா தற்போது கார்த்தியின் அண்ணன் சூர்யாவை வைத்து சூர்யா 42 எனும் பிரம்மாண்ட படத்தை இயக்கி வருகிறார்.

மகதீரா, 7ஆம் அறிவு படங்கள் போல நிகழ்காலம் மற்றும் பீரியட் என சூர்யாவின் தோற்றங்கள் மாற உள்ளன என்கின்றனர்.

பாலிவுட் நடிகை திஷா பதானி இந்த படத்தின் மூலம் தமிழ் சினிமாவில் அறிமுகமாகவுள்ளார். சீதா ராமம் பட நடிகை மிருணாள் தாகூரும் இந்த படத்தில் நடிக்க உள்ளதாக தகவல்கள் வெளியாகி உள்ளன.

சமீபத்தில் சூர்யாவுக்கு டஃப் கொடுக்கும் விதமாக மனைவி ஜோதிகா செய்த வொர்க்கவுட் வீடியோக்கள் வெளியாகி வைரலான நிலையில், தற்போது சூர்யாவின் வெறித்தனமான வொர்க்கவுட் வீடியோ வெளியாகி ரசிகர்களை உற்சாகத்தில் ஆழ்த்தியுள்ளது.

கூடிய சீக்கிரமே சூர்யா 42 படத்தின் அதிகாரப்பூர்வ அப்டேட் வெளியாகும் என ரசிகர்கள் ஆவலுடன் எதிர்பார்த்து காத்திருக்கின்றனர்.