சார்பட்டாவுக்கு சூர்யா கொடுத்த ரிவ்யூ!

ஆர்யா நடிப்பில் பா.இரஞ்சித் இயக்கத்தில் அமேசான் பிரைம் தளத்தில் சில நாட்களுக்கு முன்னர் வெளியாகி மாபெரும் வரவேற்பைப் பெற்றுள்ள திரைப்படம் சார்பட்டா பரம்பரை.

குத்துச் சண்டையை மையமாக வட சென்னை பின்புலத்தில் எடுக்கப்பட்டுள்ள இந்தப் படத்துக்கு பல தரப்பினரும் பாராட்டுகளைத் தெரிவித்து உள்ளனர். இந்த திரைப்படத்தில் அதிமுகவுக்கு எதிராகவும், அதன் முன்னாள் பொதுச் செயலாளரான தமிழ்த் திரையுலகின் சூப்பர்ஸ்டார் எம்.ஜி.ஆருக்கு எதிராகவும் சில காட்சிகள் இருந்ததாக சர்ச்சை கிளம்பியது.

குறிப்பாக 1970 அவசரநிலை காலக்கட்டத்தில் எம்.ஜி.ஆர், எமர்ஜென்சியை ஆதரித்துப் பாதை யாத்திரை மேற்கொண்டது வரலாறு. அந்த காலக்கட்டத்திலேயே இது பெரிதும் விமர்சிக்கப்பட்டது. அந்த வரலாற்றை சார்பட்டா பரம்பரையில் பதிவு செய்துள்ளது தான் அதிமுகவினரின் கொந்தளிப்புக்கு காரணமாக மாறியுள்ளது.

இந்நிலையில் சார்பட்டா பரம்பரைப் படத்தைப் பார்த்துவிட்டு நடிகர் சூர்யா, ‘சார்ப்பட்டா பரம்பரை இதுவரை சொல்லப்படாத கதையைக் கண்முன் நிறுத்துகிறது… வடசென்னை மக்களின் வாழ்வியலை திரை அனுபவமாக மாற்ற இயக்குனரும், நடிகர்களும், ஒட்டுமொத்த படக்குழுவும் கொடுத்திருக்கும் உழைப்பு ஆச்சரியப்படவைக்கிறது!வாழ்த்துகள்!! கிரேட் வொர்க்’ என்று பாராட்டு தெரிவித்துள்ளார்.

seithichurul

See Full Bio