சினிமா செய்திகள்
தளபதி 65: விஜய் உடன் மோதும் சூப்பர்ஸ்டாரின் வில்லன்..!
தளபதி 65 படத்தில் விஜய் உடன் வில்லன் ஆக மோத சூப்பர்ஸ்டாரின் வில்லன் ஒருவர் ஒப்பந்தம் செய்யப்பட்டுள்ளார் என செய்திகள் வெளியாகி உள்ளன.
சன் பிக்சர்ஸ் தயாரிப்பில் இயக்குநர் நெல்சன் திலிப்குமார் இயக்கத்தில் தளபதி 65 படம் உருவாகி வருகிறது. மாஸ்டர் வெற்றியுடன் தளபதி விஜய் தயாராக இருப்பதால் டாக்டர் படத்தின் வெளியீட்டுக்குப் பின்னர் தளபதி 65 படத்தின் படப்பிடிப்பை நெல்சன் தொடங்குவார் எனக் கூறப்படுகிறது.
இந்தப் படத்தில் விஜய்-க்கு பூஜா ஹெக்டே, ராஷ்மிகா மந்தனா என இரண்டு ஜோடிகள் நாயகிகளாக நடிப்பர் எனக் கூறப்படுகிறது. மேலும், தளபதி 65 படம் சென்னை, மும்மை உள்ளிட்டப் பகுதிகளில் சில காட்சிகளும் டெல்லியில் அதிகக் காட்சிகளும் துபாயிலும் பெரும்பான்மையான காட்சிகளும் படம் பிடிக்கப்பட உள்ளது.
படப்பிடிப்புகளை முதலில் இந்தியாவில் நிறைவு செய்துவிட்டு படக்குழுவினர் துபாய் செல்வார்கள் என எதிர்பார்க்கப்படுகிறது. துபாயில் விஜய்-க்கு கார் சேசிங் சீன் எல்லாம் இருப்பதாகத் தகவல்கள் கசிந்து வருகின்றன. சண்டைக் காட்சிகள், அதற்கான படப்பிடிப்புத் தளங்கள் வரையில் செய்திகள் வெளியான நிலையில் இப்போது தளபதி விஜய் உடன் மோதும் அந்த வில்லன் யார் என்றத் தகவலும் வெளிவந்துள்ளது.
பேட்ட படத்தில் சூப்பர்ஸ்டார் ரஜினிகாந்த்-க்கு வில்லன் ஆக நடித்திருந்த பாலிவுட் நடிகர் நவாசுதின் சித்திக் தான் தளபதி 65 படத்தில் விஜய் உடன் மோதுவார் என்ற செய்தி வெளியாகி உள்ளது.