சினிமா செய்திகள்
ரஜினியின் ’பேட்ட’ செகண்ட் லுக்கை வெளியிட்டு சன் பிக்சர்ஸ் அதிரடி!
சன் பிக்சர்ஸ் தயாரிப்பில், கார்த்திக் சுப்பராஜ் இயக்கத்தில் ரஜினி நடித்து வரும் பேட்ட படத்தின் செகண்ட் லுக் தற்போது வெளியானது. இதில், கெடா மீசையுடன் வெள்ளை வேட்டி, வெள்ளை சட்டையில், நெற்றியில் திருநீருடன் யங் லுக்கில் ரஜினி காட்சியளிக்கிறார்.
ரஜினி, விஜய்சேதுபதி, நவாசுதின் சித்திக், பாபி சிம்ஹா, சிம்ரன், த்ரிஷா, மேகா ஆகாஷ் என நட்சத்திர பட்டாளங்களுடன் பேட்ட படம் உருவாகி வருகிறது. அருணாசலம் படத்திற்குப் பிறகு, ரஜினி வெள்ளை வேட்டி, வெள்ளை சட்டையில், திருநீர் பட்டையுடன் தோன்றியுள்ளது ரசிகர்களிடம் விண்டேஜ் ரஜினி இஸ் பேக் என சொல்ல வைத்துள்ளது.
இதற்கு முன், பா. ரஞ்சித்தின் கபாலி மற்றும் காலா படத்தில் கருப்பு நிற உடைகளில் வலம் வந்த ரஜினி, ஆன்மீக ரீதியாக பேட்ட படத்தில் நடிக்க உள்ளது ஆன்மீக அரசியலுக்கான முன்னோட்டமாகவும் அமையும் என எதிர்பார்க்கப்படுகிறது.
