சன் பிக்சர்ஸ் தயாரிப்பில் விஜய்சேதுபதி: இயக்குனர், இசையமைப்பாளர் அறிவிப்பு!

தமிழ் திரை உலகின் முன்னணி தயாரிப்பு நிறுவனங்களில் ஒன்றான சன் பிக்சர்ஸ் நிறுவனம் தற்போது சூப்பர் ஸ்டார் ரஜினிகாந்த் நடித்து வரும் ’அண்ணாத்த’ தளபதி விஜய் நடித்து வரும் ’தளபதி 65’ மற்றும் சூர்யா நடித்து வரும் ’சூர்யா 40’ உள்ளிட்ட ஒரு சில திரைப்படங்களை தயாரித்து வருகிறது.

இந்த நிலையில் சன் பிக்சர்ஸ் நிறுவனத்தின் அடுத்த தயாரிப்பில் மக்கள் செல்வன் விஜய் சேதுபதி நடிக்க இருப்பதாக அறிவிக்கப்பட்டுள்ளது, விஜய் சேதுபதியின் 64வது திரைப்படமான இந்த திரைப்படத்தை இயக்குனர் பொன்ராம் இயக்கவுள்ளார். ஏற்கனவே சிவகார்த்திகேயனின் ‘வருத்தப்படாத வாலிபர் சங்கம், ‘ரஜினி முருகன்’ மற்றும் ‘சீமராஜா’ ஆகிய மூன்று படங்களை இயக்குனர் பொன்ராம் இயக்கியுள்ளார் என்பது தெரிந்ததே.

மேலும் இந்த படத்தின் இசையமைப்பாளராக டி.இமான் ஒப்பந்தம் செய்யப்பட்டு உள்ளதாகவும் சன் பிக்சர்ஸ் நிறுவனம் அதிகாரபூர்வமாக அறிவித்துள்ளது. இது குறித்து தனது டுவிட்டர் பக்கத்தில் வெளியிட்டுள்ள வீடியோ தற்போது வைரல் ஆகி வருகிறது என்பது குறிப்பிடத்தக்கது. இந்த படத்தில் நடிக்கும் நாயகி உள்பட மற்ற தொழில்நுட்ப கலைஞர்கள் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.

We are happy to announce Makkal Selvan @VijaySethuOffl's #VJS46bySunPictures directed by @ponramVVS and music by @immancomposer.@kaarthekeyens @dineshkrishnanb @vivekharshan @onlynikil @StonebenchFilms pic.twitter.com/N4wq2zIvLU

— Sun Pictures (@sunpictures) March 17, 2021