சினிமா செய்திகள்
வெங்கட்பிரபுவின் ‘பார்ட்டி’ பட சாட்டிலைட் உரிமையைக் கைபற்றிய பிரபல டிவி நிறுவனம்!
வெங்கட்பிரபு இயக்கத்தில் ரிலீஸ்க்கு தயாராக இருக்கும் திரைப்படம் பார்ட்டி. இந்தத் திரைப்படத்தில் சத்யராஜ், ரம்யாகிருஷ்ணன், ஜெய், சிவா, ரெஜினா உள்ளிட்டோர் நடித்துள்ளனர்.
முதன் முறையாக வெங்கட்பிரபு இயக்கத்தில் அவரது தம்பி பிரேம்ஜி நடிக்காமல் இசை அமைத்துள்ளார். பிரேம்ஜி யுவன் ஷங்கர் ராஜா, ஹாரிஷ் ஜெயராஜ் உள்ளிட்ட இசை அமைப்பாளர்களுடன் உதவி இசை அமைப்பாளராக இருந்தது மட்டும் இல்லாமல் சில படங்களுக்கு இசையும் அமைத்துள்ளார்.
சரி தலைப்பிற்கு வருவோம். கடந்த சில ஆண்டுகளாகப் புதிய தமிழ் படங்களின் சாட்டிலைட் உரிமையைப் பெரிய அளவில் வாங்காமல் இருந்து வந்த சன் நெட்வொர்க் தற்போது பார்ட்டி திரைப்படத்தின் சாட்டிலைட் உரிமையினை 6.25 கோடி ரூபாய்க்கு வாங்கியுள்ளதாகத் தகவல்கள் கூறுகின்றன.
பார்ட்டி திரைப்படம் இம்மாத இறுதியில் வெளியாகும் என்று எதிர்பார்க்கப்படுகிறது.
