சினிமா செய்திகள்
ஆன்மிகப் பயணத்துடன் புத்தாண்டைத் தொடங்கிய சிம்பு… வைரல் புகைப்படம்!
நடிகர் சிம்பு ஆன்மிகப் பயணத்துடன் தனது புத்தாண்டை தொடங்கி உள்ளார்.
நடிகர் சிம்பு சமீபத்தில் 30 கிலோ எடை குறைந்து மீண்டும் தமிழ் சினிமாவின் ஹிட் கொடுக்கத் தயாராக இருப்பதாகத் தனது ரசிகர்களுக்கு சொல்லாமல் சொல்லி உள்ளார். தொடர்ந்து ஈஸ்வரன், மாநாடு, பத்து தல என அடுத்தடுத்த வெளியீடுகள் சிம்புவுக்குக் காத்துக் கொண்டிருக்கின்றன. இந்த சூழலில் நடிகரும் உற்ற நண்பரும் ஆன மஹத் உடன் இணைந்து ஒரு ஆன்மிகப் பயணத்தை சிம்பு மேற்கொண்டுள்ளார்.
சபரிமலைக்கு மாலை அணிந்து வருடா வருடம் ஐயப்பனைப் பார்க்கச் செல்லும் சிம்பு இந்த ஆண்டும் சபரிமலைக்கு மாலை அணிந்துள்ளார். அதனுடன் காசி வரை ஒரு ஆன்மிகப் பயணத்தையும் மேற்கொண்டுள்ளார். காசிக்கு நேரடியாக ஈஸ்வரனைச் சந்திக்க சென்ற் இன்னொரு ஈஸ்வரன் என ரசிகர்கள் சிம்புவின் ஆன்மிக புகைப்படத்தை வைரல் செய்து வருகின்றனர்.
