தமிழ்நாடு
தனது மனைவி கோவிலுக்கு செல்வது குறித்து மு.க.ஸ்டாலின் கருத்து!
![Durga Stalin - Bhoomitoday](https://www.bhoomitoday.com/wp-content/uploads/2019/04/Durga-Stalin.jpg)
திமுக தலைவர் மு.க.ஸ்டாலினின் மனைவி துர்கா ஸ்டாலின் ஆன்மீகத்தில் அதிக ஈடுபாடு கொண்டவர். அவர் கோவிலுக்கு செல்லும் புகைப்படங்கள் அவ்வப்போது இணையத்தில் உலா வரும், கூடவே இதுவா திமுகவினரின் பகுத்தறிவு கொள்கை போன்ற விமர்சனங்களும் வரும்.
திமுக இந்துக்களுக்கு எதிரான ஒரு கட்சி என்ற பரபரப்புரையை பாஜக போன்ற கட்சிகள் தொடர்ந்து முன்னிலை படுத்தி வருகின்றனர். இந்நிலையில் இந்த திமுக இந்துக்களுக்கு எதிரான கட்சி என்ற கருத்துக்கு திமுக தலைவர் மு.க.ஸ்டாலின் தனது தேர்தல் பிரச்சாரத்தில் பதிலடி கொடுத்துள்ளார்.
அரக்கோணம் மக்களவை தொகுதியில் போட்டியிடும் திமுக வேட்பாளர் ஜெகத்ரட்சகன் மற்றும் சோளிங்கர் சட்டமன்ற தொகுதி வேட்பாளர் அசோகன் ஆகியோரை ஆதரித்து மு.க.ஸ்டாலின் பிரச்சாரம் மேற்கொண்டார். அப்போது பேசிய அவர், எனது மனைவி கோவிலுக்கு செல்வதை நான் ஒருபோதும் தடுத்ததில்லை. நான் இந்துக்களுக்கு எதிரானவன் என்பது போன்ற ஒரு தோற்றத்தை உண்டுபடுத்தி தவறான பரப்புரையை மேற்கொள்கின்றனர் என கூறி பாஜகவை கடுமையாக விமர்சித்தார்.