சினிமா செய்திகள்
மீனா வீட்டை ரூ.6 கோடி கொடுத்து வாங்கினேனா? நடிகர் சூரி விளக்கம்!
வெண்ணிலா கபடி குழு படத்தில் வந்த பரோட்டா காமெடி மூலம் மிகவும் பிரபலமானவர் சூரி. அந்த படத்திற்கு முன்பு பல்வேறு படங்களில் சிறு கதாபாத்திரத்தில் நடித்திருந்தாலும், இந்த படம் தான் அவருக்கு, முழுமையான கதாபாத்திரமாகவும், திருப்புமுனையாகவும் அமைந்தது.
அதை தொடர்ந்து குறுகிய காலத்திலேயே விஜய், அஜித், சூர்யா, தனுஷ் என முக்கிய நடிகர்களுடன் காமெடி கதாபாத்திரத்தில் நடித்து உச்சத்திற்குச் சென்றுள்ளார்.
அடுத்து வெற்றிமாறன் இயக்கத்தில் கதாநாயகனாக நடிக்க உள்ளதாகவும் அறிவிப்புகள் வெளியாகியுள்ளது. படங்களில் நடிக்க சூரி நாள் ஒன்று 5 லட்சம் ரூபாய் சம்பளமாகப் பெறுகிறார். அது மட்டுமல்லாமல் மதுரையில் உயர்தர சைவ உணவகம் ஒன்றையும் நடத்தி வருகிறார்.
இந்நிலையில் சாலிகிராமத்தில் உள்ள நடிகை மீனாவின் விட்டை சூரி 6.5 கோடி ரூபாய் கொடுத்து வாங்கியுள்ளதாகச் செய்திகள் வெளியாகின.
அதற்கு மறுப்பு தெரிவித்துள்ள சூரி, அண்மையில் நான் சென்னையில் எந்த ஒரு சொத்தையும் வாங்கவில்லை. மீனாவின் விட்டை நான் வாங்கியதாக வெளியாகியுள்ள செய்திகளில் உன்மையில்லை என்று மறுப்பு தெரிவித்துள்ளார்.