சினிமா செய்திகள்
‘சூரரைப் போற்று’ சினிமா தியேட்டர்களில் ரிலீஸ் – உண்மைதானா?
தமிழ்த் திரையுலகின் முன்னணி நடிகர் சூர்யா நடிப்பில், சென்ற ஆண்டு நேரடியாக ‘அமேசான் பிரைம்’ ஓடிடி தளத்தில் ரிலீஸான திரைப்படம் ‘சூரரைப் போற்று’. இந்தப் படம் அமேசான் பிரைம் வரலாற்றில் மிகப் பெரும் சாதனையைப் படைத்து மெகா ஹிட் ஆனது.
என்ன தான் படம் ஓடிடியில் நல்ல வரவேற்பைப் பெற்றிருந்தாலும், சூர்யா ரசிகர்கள், சூரரைப் போற்று சினிமா திரையரங்குகளில் வெளியிடப்படவில்லை என்னும் ஏமாற்றத்தில் இருந்தனர். அவர்களின் இந்த எண்ணத்தைப் போக்க, சூரரைப் போற்று படம் தியேட்டங்களில் ரிலீஸ் செய்ய பேச்சுவார்த்தை நடந்து வருகிறதாம்.
இது குறித்து நம்பத்தகுந்த வட்டாரங்களில் இருந்து தகவல்கள் வந்து கொண்டிருக்கின்றன. அதே நேரத்தில் இந்தத் தகவலை சூரரைப் போற்று படக்குழுவினர் உறுதி செய்யவில்லை.
மேலும் சில தமிழ் சினிமா வல்லுநர்கள், ‘தியேட்டர்களில் சூரரைப் போற்று மீண்டும் ரிலீஸாகும் என்று வரும் தகவல்களில் உண்மை இல்லை. காரணம் ஐநாக்ஸ், பிவிஆர் போன்ற மல்டிபிளக்ஸ் தியேட்டர்கள், ஓடிடியில் புதிய திரைப்படங்கள் ரிலீஸ் செய்யப்பட்டாலே அதை தங்கள் திரையரங்குகளில் இருந்து எடுத்து விடும். இது அவர்களின் கொள்கையாகவே இருந்து வருகிறது. தமிழக தியேட்டர்களும் ஒஓடிடி தளத்தில் நேரடியாக வெளியான படத்தைக் கட்டாயம் வெளியிட மாட்டார்கள்’ என்று திட்டவட்டமாக கூறுகின்றனர்.
