‘டாக்டர்’ ரிலீஸ் தேதி அறிவிப்பு – குஷியில் சிவகார்த்திகேயன் ரசிகர்கள்!!!

சிவகார்த்திகேயன் நடிப்பில் உருவாகியுள்ள ‘டாக்டர்’ திரைப்படம் மார்ச் 26 ஆம் தேதி திரையரங்குகளில் ரிலீஸாகிறது என்று அதிகாரப்பூர்வமாக அறிவிக்கப்பட்டு உள்ளது.

விஜய் டிவி புகழ் நெல்சனால் இயக்கப்பட்ட, டாக்டர் படத்துக்கு அனிருத் இசையமைத்துள்ளார். சென்ற ஆண்டே இந்தப் படத்தின் ‘செல்லமா’ பாட்டு வெளியாகி பட்டித் தொட்டியெல்லாம் ஹிட் அடித்தது.

அப்போதிலிருந்து டாக்டர் எப்போது ரிலீஸ் செய்யப்படும் என்னும் எதிர்பார்ப்புகள் எகிறியுள்ளன. குறிப்பாக எஸ்.கே – நெல்சன் காம்போவுக்கு வேற லெவல் வெயிட்டிங்கில் ரசிகர்கள் உள்ளனர்.

அடுத்ததாக நெல்சன், தளபதி விஜய்யை வைத்து திரைப்படம் இயக்க உள்ளது குறிப்பிடத்தக்கது. டாக்டர் திரைப்படம், ஓடிடி-யில் நேரடியாக ரிலீஸ் செய்யப்படும் என்று தகவல்கள் வந்து கொண்டிருந்த நிலையில், அதை தவிடு பொடியாக்கி தியேட்டர்களில் ரிலீஸாவது எஸ்.கே ரசிகர்களின் நீண்ட நாள் காத்திருப்புக்கு விருந்தாக அமையும் என்பதில் சந்தேகம் இல்லை.

டாக்டர் படத்தைத் தொடர்ந்து சிவகார்த்திகேயனின் ‘அயலான்’ படமும் விரைவில் வெள்ளித் திரைகளில் மின்னும் என்று எதிர்பார்க்கப்படுகிறது. இந்த ஆண்டு சிவகார்த்திகேயனுக்கு ஏகப்பட்ட படங்கள் ரிலீஸ் ஆக வரிசையில் உள்ளன.

seithichurul

See Full Bio