சினிமா செய்திகள்
பிரபல பின்னணி பாடகர் காலமானார்.. திரையுலகினர் அஞ்சலி!
பிரபல பின்னணி பாடகர் கேகே என அழைக்கப்படும் கிருஷ்ணகுமார் குன்னத் (வயது 53) செவ்வாய்க்கிழமை இரவு 10.30 மணியளவில் காலமானார்.
தமிழில், கல்லூரி சாலை, ஸ்டிராபரி கண்ணே, ஒல்லி குச்சி உடம்பு காரி, காதல் வளர்த்தேன், நினைத்து நினைத்துப் பார்த்தேன் உள்ளிட்ட பல சூப்பர் ஹிட் பாடல்களை கேகே பாடியுள்ளார்.
விரைவில் சரவணா ஸ்டோர்ஸ் அண்ணாச்சி நடிப்பில் வெளியாக உள்ள தி லெஜண்ட் படத்திலும் கூட இவர் இரண்டு பாடல்களைப் பாடியுள்ளார்.
பிறப்பால் மலையாளியான கேகே, பல ஆண்டுகளாக டெல்லியில் வசித்து வந்தார். செவ்வாய்க்கிழமை இரவு கொல்கத்தாவில் ஒரு இசை நிகழ்ச்சியை முடித்துக்கொண்டு திரும்பிய போது இவருக்கு மாரடைப்பு ஏற்பட்டு காலமானார்.
தமிழ் மட்டுமல்லாமல் இந்தி, தெலுங்கு, மலையாளம், கன்னடம், குஜராத்தி, பெங்காலி, அசாமி என பல்வேறு மொழிகளில் பாடல்களைப் பாடியுள்ளார்.
கே.கே மறைவுக்கு திரையுலகினர் அஞ்சலி செலுத்தி வருகின்றனர்.
