சினிமா செய்திகள்
பாடகர் கானா பாலா 3வது முறையாக தோல்வி: ஆனால் பெற்ற வாக்குகள் எத்தனை தெரியுமா?
![gana bala - Bhoomitoday](https://www.bhoomitoday.com/wp-content/uploads/2022/02/gana-bala.jpeg)
பாடகர் கானா பாலா கடந்த 2006ஆம் ஆண்டு மற்றும் 2011ம் ஆண்டு நடந்த நகர்ப்புற உள்ளாட்சி தேர்தலில் போட்டியிட்ட நிலையில் மூன்றாவது முறையாக போட்டியிட்டு தோல்வி அடைந்தது பெரும் அதிர்ச்சியை ஏற்படுத்தியுள்ளது
நகர்ப்புற உள்ளாட்சி தேர்தலின் முடிவுகள் கடந்த சில மணி நேரங்களாக வெளிவந்து கொண்டிருக்கும் நிலையில் சென்னை திருவிக நகர் 72 வது வார்டில் பாடகர் கானா பாலா மூன்றாவது முறையாக அந்த தொகுதியில் போட்டியிடுவதாலும், அந்த தொகுதியில் அவர் நல்ல செல்வாக்குடன் இருப்பதாலும் இந்த முறை அவர் கண்டிப்பாக வெற்றி பெற்றுக் கொள்வார் என்று எதிர்பார்க்கப்பட்டது
அதைப்போல் முதல்கட்ட மற்றும் இரண்டாம் கட்ட சுற்றுகளில் கானா பாலா திமுக வேட்பாளரை விட முன்னணியில் இருந்தார் என்பது குறிப்பிடத்தக்கது. இந்த நிலையில் கடைசியில் முடிவு அறிவிக்கப்பட்ட போது திமுக வேட்பாளர் சரவணன் 8301 வாக்குகள் பெற்று வெற்றி பெற்றதாகவும் கானா பாலா 6905 வாக்குகள் பெற்று இரண்டாம் இடத்தை பெற்று தோல்வியடைந்ததாக அறிவிக்கப்பட்டது. இதனால் அவரது ஆதரவாளர்கள் கடும் அதிர்ச்சி அடைந்துள்ளனர்
சுமார் 2 ஆயிரம் வாக்குகள் வித்தியாசத்தில் கானாபாலா தோல்வி அடைந்தாலும் அந்த தொகுதியில் அவர் 6905 வாக்குகள் பெற்றது பெரிய சாதனையாகவே கருதப்படுகிறது.