சினிமா செய்திகள்
விஜே அர்ச்சனா தலையில் கை வைத்த வைரமுத்து.. ‘உஷார்’ என எச்சரித்த சின்மயி
தொலைக்காட்சி விஜே மற்றும் நடிகை அர்ச்சனா வைரமுத்துவுடன் இணைந்து எடுத்த புகைப்படத்தை தனது சமூக வலைத்தளத்தில் பதிவு செய்த நிலையில் அவரிடம் உஷாராக இருந்து கொள் என சின்மயி அந்த புகைப்படத்திற்கு கமெண்ட் அளித்திருப்பது பரபரப்பை ஏற்படுத்தி உள்ளது.
தமிழ் திரையுலகின் முன்னணி பாடலாசிரியர்களில் ஒருவரான வைரமுத்து மீது பாடகி சின்மயி பாலியல் குற்றச்சாட்டு கூறியிருந்தார் என்பதும் இது குறித்து சமூக வலைதளங்களில் பெரும் வாக்குவாதம் நடந்து வந்தது என்பதும் தெரிந்ததே. மேலும் பெண்களுக்கு எதிராக நடக்கும் கொடுமைகளுக்கு அவ்வப்போது சின்மயி தனது சமூக வலைத்தளத்தில் குரல் கொடுத்து வருகிறார் என்பதும் மீடு பிரச்சனை தமிழகத்தில் தலைதூக்க சின்மயி கொடுக்கும் ஆதரவும் ஒரு காரணம் என்பதும் குறிப்பிடத்தக்கது.
இந்த நிலையில் சின்மயி பதிவு செய்யும் கருத்துக்களுக்கு பலர் ஆதரவு தெரிவித்தாலும் ஒரு சிலர் அவரது நடவடிக்கைகளுக்கு விமர்சனம் செய்து வருகின்றனர் என்பதும் தெரிந்ததே.
இந்த நிலையில் விஜய் டிவியில் ஒளிபரப்பாகிவரும் ’ராஜா ராணி 2’ சீரியலில் நடித்து வருபவர் அர்ச்சனா. இவர் ஒரு சில நிகழ்ச்சிகளை தொகுத்து வழங்கி வருகிறார் என்பதும் தெரிந்ததே. இந்த நிலையில் சமீபத்தில் கவியரசு வைரமுத்து சந்தித்ததாக அவருடன் எடுத்த புகைப்படங்களை தனது இன்ஸ்டாகிராம் வெளியிட்டுள்ளார். அதில் ஒரு புகைப்படத்தில் விஜே அர்ச்சனாவின் தலையில் கைவைத்து வைரமுத்து ஆசி கூறுவத் போல் உள்ளது.
இந்த பதிவுக்கு பலர் வாழ்த்து தெரிவித்தாலும் ஒரு சிலரோ வைரமுத்துவிடம் உஷாராக இருக்கவும் என்று கமெண்ட் பதிவு செய்திருந்தனர். இந்த நிலையில் பாடகி சின்மயி இந்த பதிவுக்கு, ‘இது போல தான் அனைத்தும் ஆரம்பிக்கும், அவரிடம் கவனமாக இருந்து கொள்ளுங்கள். அவரை சந்திக்கும்போது துணைக்கு யாரையாவது வைத்துக் கொள்ளுங்கள். அவரிடம் இருந்து சற்று தள்ளியே இருங்கள்’ என கமெண்ட் செய்துள்ளார்.
இந்த கமெண்ட் பெரும் பரபரப்பை ஏற்படுத்திய நிலையில் விஜே அர்ச்சனா அந்த கமெண்ட்டை டெலிட் செய்துள்ளார். ஆனால் அதற்கு முன்னரே பலர் இந்த கமெண்டை ஸ்க்ரீன் ஷாட் எடுத்து சமூக வலைதளங்களில் வைரல் ஆக்கி வருகின்றனர் என்பது குறிப்பிடத்தக்கது.