சினிமா செய்திகள்
மதம் மாறியது திருமணத்திற்குத் தானாம்.. அண்ணன் சிம்புவுக்கு முன்பு தம்பிக்கு திருமணம்!
![kuralarasan (1) - Bhoomitoday](https://www.bhoomitoday.com/wp-content/uploads/2019/04/kuralarasan-1.jpg)
நடிகர் டி.ராஜேந்தரின் மகனும் நடிகர் சிம்புவின் தம்பியும் இசையமைப்பாளருமான குறளரசனுக்கு வரும் ஏப்ரல் 26-ம் தேதி நபீலா அகமது என்கிற பெண்ணுடன் திருமணம் நடை பெறவிருக்கிறது. அதன் பின்னர் வரவேற்பு நிகழ்ச்சி வரும் ஏப்ரல் 29ம் தேதி ஐடிசி கிராண்ட் சோழா ஹோட்டலில் நடக்கிறது. சமீபத்தில், இந்து மதத்தில் இருந்து இஸ்லாமிய மதத்துக்கு மாறினார்.
இந்த செய்திகள் மீடியாவில் வெளியாகி வைரலான போது, அப்படி ஒன்றுமில்லை என டி.ராஜேந்தர் மறுப்புத் தெரிவித்தார். ஆனால், இப்போது உண்மை வெட்ட வெளிச்சமாகி உள்ளது. இஸ்லாமிய பெண்ணுடன் திருமணம் செய்து கொள்ளவே குறளரசன் மதமாற்றம் செய்துக் கொண்டார்.
அண்ணன் சிம்புக்கு இதுவரையில் திருமணம் ஆகாத நிலையில், தம்பி குறளரசன் காதலித்து விட்டதால், அந்த பெண்ணின் வீட்டார் உடனடியாக திருமணம் செய்து விட வேண்டும் என வற்புறுத்தியதால், அண்ணன் சிம்புவுக்கு முன்பாகவே தம்பி குறளரசனின் திருமணம் நடைபெறவிருக்கிறது.
குறளரசன் திருமணத்துக்கு சூப்பர்ஸ்டார் ரஜினி மற்றும் கேப்டன் விஜயகாந்த் உள்ளிட்ட திரைப்பலப்பங்களுக்கும் அரசியல் தலைவர்களுக்கும் டி.ராஜேந்தர் திருமண அழைப்பிதழை கொடுத்து வருகிறார்.
எல்லாம் சரி, சிம்புவுக்கு எப்போதான் சார் திருமணம்?