நல்லாத்தானே போயிட்டு இருக்கு, எதுக்கு மாற்றம் வரனும்? – சிம்பு

தமிழக தேர்தல் வாக்குப்பதிவு இன்று நடைபெற்று வரும் நிலையில் நடிகர் சிம்பு வாக்களித்துவிட்டு பேட்டி அளித்த போது நன்றாக தானே எல்லாம் போய்க்கொண்டிருக்கின்றது எதற்காக மாற்றம் வேண்டும்? என பத்திரிகையாளர்களை நோக்கி கேள்வியதாக கூறப்படும் வீடியோ வைரலாகி வருகிறது.

இன்று காலை முதல் திரை உலக பிரபலங்கள் தங்களுடைய வாக்குகளை பதிவு செய்து வரும் நிலையில் சற்று முன்னர் நடிகர் சிம்பு தனது வாக்கை பதிவு செய்ததாகவும், இதனை அடுத்து அவர் செய்தியாளர்களை சந்தித்து, ‘எல்லோரும் கண்டிப்பாக ஓட்டு போட வேண்டும், வாக்கு சதவீத சதவீதம் குறைவாக இருப்பதாக கூறுகிறார்கள். வெயில் காரணமாக இருக்கலாம். இனிமேல் ஒருவேளை போடலாம். இருப்பினும் சீக்கிரமாக அனைவரும் சென்று ஓட்டு போடுங்கள்’ என்று கூறிய சிம்பு, மற்றபடி கண்டிப்பாக நல்ல விஷயம் நடக்கும் என்று நம்புகிறேன் என்று கூறியதாகவும் ஒரு வீடியோ வைரலாகி வருகிறது.

மேலும் இந்த வீடியோவில் செய்தியாளர் ஒருவர் ’மாற்றம் வேண்டும் என்று நீங்கள் விரும்புகிறீர்களா என கேட்டபோது ’எதுக்கு மாற்றம் வேண்டும் என்றே புரியவில்லை நன்றாக தானே போய்க்கொண்டிருக்கிறது’ என்று என்று பதில் கூறியதாகவும் அந்த வீடியோவில் உள்ளது.

ஆனால் இந்த வீடியோ பழைய வீடியோ என்றும், சிம்பு தற்போது ஒல்லியாக இருப்பதற்கும், இதில் குண்டாக இருப்பதில் இருந்தே இது தெரிகிறது என்றும், ஒருசிலர் வேண்டுமென்றே சிம்புவின் பழைய வீடியோவை எடிட் செய்து சமூக வலைத்தளங்களில் பதிவு செய்திருப்பதாகவும் கூறுகின்றனர். பெரும்பாலானோர் இது பழைய வீடியோ என்று தான் குறிப்பிட்டு வருகின்றனர்

நல்லாத்தானே போயிட்டு இருக்கு, எதுக்கு மாற்றம் வரனும்? – சிம்பு pic.twitter.com/6HJGi2K963

— ???? (@Velulights6) April 6, 2021