சினிமா செய்திகள்
வெற்று உடம்புடன் ‘வெந்து தணிந்தது காடு’ சிம்பு: வைரல் புகைப்படம்!
![VTK second - Bhoomitoday](https://www.bhoomitoday.com/wp-content/uploads/2021/08/VTK-second.jpg)
சிம்பு நடித்துவரும் ’வெந்து தணிந்தது காடு’ திரைப்படத்தின் படப்பிடிப்பு சமீபத்தில் தொடங்கியது என்பதும் இந்த படத்தின் படப்பிடிப்பு காரணமாக பெப்சி அமைப்புக்கும் தயாரிப்பாளர் சங்கத்திற்கும் பிரச்சனை ஏற்பட்டு அது ஒரு பக்கம் பரபரப்பாக ஓடிக் கொண்டிருக்கிறது என்பதும் குறிப்பிடத்தக்கது.
இந்த நிலையில் இந்த படத்திற்காக சிம்பு மேலும் எடை குறைந்து காணப்படுகிறார்கள் என்பதும் மீண்டும் ஒரு கிராமத்து கதையில் சிம்பு நடிக்கிறார் என்பதும் குறிப்பிடத்தக்கது. இந்த படத்தின் ஃபர்ஸ்ட் லுக் போஸ்டர் சமீபத்தில் வெளியாகி மிகப்பெரிய அளவில் வைரல் ஆன நிலையில் தற்போது இந்த படத்தின் அடுத்த போஸ்டர் சற்றுமுன் வெளியாகியுள்ளது.
‘வெந்து தணிந்தது காடு’ படத்தின் படப்பிடிப்பின் இடையே மேக்கப் போடும் இடத்தில் இந்த புகைப்படம் எடுக்கப்பட்டது போல் தெரிகிறது. வெற்றுடம்புடன் லுங்கி மட்டும் அணிந்து கொண்டு சிம்பு ஒரு செல்பி எடுப்பது போன்ற போஸில் எடுக்கப்பட்ட இந்த புகைப்படம் தற்போது ரசிகர்கள் மத்தியில் வைரலாகி வருகிறது.
மேலும் ’வெந்து தணிந்தது காடு’ படத்தின் முதல்கட்ட படப்பிடிப்பு முடிவடைந்து விட்டதாகவும் அடுத்த கட்ட படப்பிடிப்புக்காக படக்குழுவினர் தயாராகி வருவதாகவும் கூறப்படுகிறது. வெந்து தணிந்தது காடு படத்தின் படப்பிடிப்பை மிக குறுகிய காலத்தில் முடிக்க இயக்குனர் கவுதம் மேனன் முடிவு செய்திருப்பதாக தெரிகிறது.
இந்த படத்தின் படப்பிடிப்பை முடித்துவிட்டு சிம்பு அடுத்ததாக ’பத்து தல’ படத்தின் படப்பிடிப்புக்கு செல்ல இருப்பதாகவும் கூறப்படுகிறது. ஏற்கனவே ’பத்து தல’ படத்தின் படப்பிடிப்பு தொடங்கி விட்டது என்பதும் தற்போது கௌதம் கார்த்திக் காட்சிகளின் படப்பிடிப்பு நடைபெற்று வருகிறது என்பது குறிப்பிடத்தக்கது.