சினிமா செய்திகள்
சிம்பு நடிப்பில் அடுத்த படத்தை இயக்கும் மெகா ஹிட் இயக்குநர்.. யார் தெரியுமா?
சிம்பு நடிப்பில் வெந்து தணிந்தது காடு, பத்து தல, கொரோனா குமாரு என அடுத்தடுத்து படங்கள் வரிசையில் உள்ள நிலையில், இவரை பிரபல மெகா ஹிட் இயக்குநர் ஒருவர் அடுத்து இயக்க உள்ளதாகத் தகவல்கள் வெளியாகியுள்ளன.
2020-ம் ஆண்டு ஓ மை கடவுளே என்ற படத்தை இயக்கியவர் அஷ்வத் மாரிமுத்து. இந்த படத்தின் கதை வித்தியாசமாகவும், அனைத்து மொழிகளுக்கும் ஏற்றவாறு இருந்தது. மகேஷ் பாபு, ரஜினிகாந்த் உள்ளிட்ட பல்வேறு நடிகர்களிடம் இருந்து பாராட்டும் கிடைத்தது. தொடர்ந்து இந்த படத்தின் தெலுங்கு ரீமேக் ஓரி தேவுடாவை அஷ்வத் இயக்கி வருகிறார். அதை தொடர்ந்து ஓ மை கடவுளே படத்தின் இந்தி ரீமேக்கையும் இவர் இயக்க உள்ளார்.
இரண்டு மொழிகளிலும் ஓ மை கடவுளே படத்தினை ரீமேக் செய்த பிறகு சிம்புவை வைத்து அஷ்வத் மாரிமுத்து ஒரு படம் இயக்க உள்ளதாகத் தகவல்கள் வெளியாகியுள்ளன.
ஓ மை கடவுளே படம் ரிலீஸ் ஆன போது அந்த படத்தை பார்த்த சிம்பு, உடனே அஷ்வத்தை தொடர்புகொண்டு நாம் விரைவில் இணைய வேண்டும் என்று கூறியிருந்ததாகவும், அது இப்போது உறுதியாகியுள்ளதாகவும் கூறப்படுகிறது.
சிம்பு இப்போது வெந்து தணிந்தது காடு, பத்து தல, கொரோனா குமாரு உள்ளிட்ட படங்களில் நடித்து வருகிறார். தொடர்ந்து சிம்பு சுதா கொங்கரா, ராம், மிஷ்கின் உள்ளிட்ட இயக்குநர்களுடன் சிம்பு இணைவார் என கூறப்பட்டு வந்தது.
இப்போது இந்த வரிசையில் அஷ்வத் மாரிமுத்து இணைந்துள்ளார் என்பது குறிப்பிடத்தக்கது.