சினிமா
தென்னிந்தியா என்றால் அவ்வளவு இளக்காரமா? ஆவேசமான ஸ்ருதிஹாசன்!
அரசியல், திரைப்படம், பொதுமக்கள் என அனைத்திலுமே வட இந்தியா மற்றும் தென்னிந்திய என்ற பாகுபாடு உள்ளது என்பதும் பட்ஜெட் முதல் அனைத்திலும் தென்னிந்தியாவுக்கு பாரபட்சமாக நடந்து கொள்ளப்படுவதாக குற்றம் சாட்டப்பட்டு வருகிறது என்பதும் தெரிந்ததே.
இந்த நிலையில் தமிழரான கமல்ஹாசனின் மகளாக இருந்தாலும் மும்பையில் பிறந்து வளர்ந்தவர் சுருதிஹாசன் என்பதும் ஹிந்தித் திரைப்படத்தில் தான் அவர் அறிமுகமானார் என்பதும் தெரிந்ததே.
இந்த நிலையில் சமீபத்தில் அவர் வட இந்தியா சென்றிருந்த போது நீங்கள் தென்னிந்தியாவை சேர்ந்தவரா? உங்களுக்கு ஹிந்தி பேச தெரியுமா? என வட இந்தியர் ஒருவர் கேள்வி எழுப்பியதை அடுத்து சுருதிஹாசன் ஆவேசமாகி உள்ளார்.
தென்னிந்தியா என்றால் இளக்காரமா? தென்னிந்தியா என்ன வேற்றுகிரகமா? நாம் எல்லோரும் தான் திரைப்படங்களில் நடிக்கிறோம், கடினமாக உழைக்கிறோம், ஏன் இந்த வட இந்திய தென்னிந்திய பாகுபாடு? என விளாசிய தகவல்கள் வெளியாகியுள்ளன.
பிறப்பால் தமிழரான சுருதிஹாசன் வட இந்தியாவில் நன்கு அறிமுகம் என்பதும் இந்தி சரளமாக பேச தெரியும் என்பதும் தெரிந்ததே. இருப்பினும் அவருக்கே இந்த நிலைமை என்றால் ஹிந்தி பேசத் தெரியாதவர்கள் என்ன நிலைக்கு ஆளாவார்கள் என்று கூறப்பட்டு வருகிறது.