சினிமா செய்திகள்
ரஜினி படத்தில் நடிக்க நிபந்தனை விதித்தாரா சிவராஜ்குமார்? வதந்திகளுக்கு முற்றுப்புள்ளி
சூப்பர் ஸ்டார் ரஜினிகாந்த் நடிக்க இருக்கும் தலைவர் 169 திரைப்படத்தில் பிரபல கன்னட நடிகர் சிவராஜ்குமார் நடிக்க இருப்பது கிட்டத்தட்ட உறுதி செய்யப்பட்டுள்ளது. இந்த நிலையில் ரஜினி படத்தில் நடிகர் சிவராஜ்குமார் நடிக்க நிபந்தனை விதித்துள்ளதாக கூறப்படும் நிலையில் இதுகுறித்து அவரது தரப்பினர் விளக்கம் அளித்துள்ளனர் .
சன் பிக்சர்ஸ் தயாரிப்பில் ரஜினிகாந்த் நடிப்பில் நெல்சன் இயக்கத்தில் அனிருத் இசையில் உருவாகயிருக்கும் ’தலைவர் 169’ படத்தில் ஐஸ்வர்யா ராய் நாயகியாக நடிக்க இருப்பதாகவும், ரஜினி மகளாக பிரியங்கா மோகன் நடிக்க இருப்பதாகவும் கூறப்பட்டது.
இந்த நிலையில் சிவராஜ்குமார் தரப்பில் இதுகுறித்து விளக்கம் அளிக்கப்பட்டுள்ளது. ரஜினி படத்தில் ஒரு காட்சியில் நடிக்க எனக்கு வாய்ப்பு தந்தாலும் சம்மதம் என்றும், அவர் எந்த நிபந்தனையும் விதிக்கவில்லை என்றும் தலைவர் 169 படத்தில் இடம் பெறுவதே பெரிய அதிர்ஷ்டமாக கருதுவதாக கூறியதாக செய்திகள் வெளியாகி உள்ளது.
இதனை அடுத்து வேண்டுமென்றே பத்திரிகையாளர் என்ற போர்வையில் புரளியை கிளப்பி வருபவர்களுக்கு இந்த பதில் ஒரு முற்றுப்புள்ளியாக அமைந்துள்ளது.
