சினிமா செய்திகள்
தளபதி 63ல் விஜய்க்கு வில்லனான ஷாருக் கான்!
![thalapathi-s3 - Bhoomitoday](https://www.bhoomitoday.com/wp-content/uploads/2019/04/thalapathi-s3.jpg)
கால்பந்தாட்டத்தை மையமாக வைத்து அட்லி இயக்கி வரும் தளபதி 63 படத்தின் ஷூட்டிங் சென்னை இவிபி மைதானத்தில் விறுவிறுப்பாக நடைபெற்று வருகிறது. இந்த படத்தில் கடைசி 15 நிமிடங்களில் விஜய்க்கு வில்லனாக பாலிவுட் பாட்ஷா ஷாருக் கான் நடித்துள்ளதாக தகவல்கள் கசிந்துள்ளன.
பெண்களுக்கான கால்பந்தாட்ட கோச்சாக விஜய் நடித்து வரும் இந்த படத்தில் மற்றொரு வட நாட்டு அணியின் கால்பந்தாட்ட பயிற்சியாளராகவோ அல்லது ஒரு கால்பந்தாட்ட அணியின் உரிமையாளரகாவோ ஷாருக்கான் நடித்து வருவதாக கூடுதல் தகவல்களும் கசிந்துள்ளன.
ஆனால், ஜாக்கி ஷெராஃப், நயன்தாரா குறித்து அதிகாரப்பூர்வ அறிவிப்பை வெளியிட்ட ஏஜிஎஸ் நிறுவனம் ஷாருக்கான் படத்தில் இணைந்தது குறித்த அறிவிப்பை வெளியிடவில்லை. ஒருவேளை சர்ப்ரைஸ் ஆக வைத்துள்ளனரா என்பதும் கேள்விக் குறியாகவே உள்ளது.