சினிமா
ஷாருக் கான் நடிக்கும் படத்தின் டிரெய்லர்!
பாலிவுட்டின் முன்னணி நடிகரான ஷாருக்கானின் ஜீரோ படத்தின் டிரெய்லர் தற்போது ரிலீசாகியுள்ளது. ஆனந்த் எல் ராய் இயக்கத்தில் ஷாரூக்கான் குள்ள மனிதராக நடித்துள்ள ஜீரோ படத்தின் டிரெய்லர் தற்போது ரிலீஸ் செய்யப்பட்டுள்ளது. ஷாரூக்கானின் 53வது பிறந்த தினம் இன்று கொண்டாடப்பட்டு வரும் நிலையில், ஜீரோ டிரெய்லர் ரசிகர்களுக்குச் சிறப்புப் பரிசாக மாறியுள்ளது.
விஞ்ஞானி ஸ்டீபன் ஹாகிங்கை நினைவு படுத்தும் கதாப்பாத்திரத்தில் நடிகை அனுஷ்கா ஷர்மா நடித்துள்ளார். பாலிவுட் முன்னணி நடிகையாகவே கத்ரீனா கைஃப் நடித்துள்ளார். கத்ரீனாவால் கழட்டி விடப்படும் ஷாரூக்கான், அனுஷ்கா ஷர்மாவுடன் காதல் கொள்ளும் படமாகவும், விண்வெளியில் ராக்கெட் விடும் சையிண்டிபிக் படமாகவும் இரு வேறுபட்ட கதையாக ஜீரோ படம் உருவாகியுள்ளது டிரெய்லர் மூலம் தெளிவாகிறது.
இப்படம் இந்த வருடம் டிசம்பர் 21 அன்று வெளிவரவுள்ளது. இயக்குநர் ஆனந்த் எல்.ராய் – தனு வெட்ஸ் மனு, தனு வெட்ஸ் மனு ரிடர்ன்ஸ், ரான்ஜானா ஆகிய படங்களை இயக்கியுள்ளார்.
இந்தப் படத்தில் 3அடி உயரம் உள்ளவராக ஷாருக் கான் நடிக்கிறார்.வித்தியாவமான வேடத்தில் ஷாருக் கான் நடித்துள்ளதால் இந்தப் படத்துக்கு அதிக எதிர்பார்ப்பு ஏற்பட்டுள்ளது. இந்தப் படத்தில் சிறப்பு வேடத்தில் சல்மான் கான் நடித்துள்ளார்.