சினிமா
டாப்லெஸ்சில் பாட்டு பாடும் செரினா! காரணம் தெரியுமா?
சமீபத்தில், நடைபெற்ற அமெரிக்க ஓப்பன் டென்னிஸ் போட்டியில், தோல்வியை தழுவிய செரினா வில்லியம்ஸ், நடுவருடன் வாக்கு வாதத்தில் ஈடுபட்டு அனைத்து மீடியாக்களையும் தன் பக்கம் ஈர்த்தார். இந்நிலையில், டாப்லெஸ்சாக பாட்டு பாடும்வீடியோ வெளியிட்டு மீண்டும் ஒருமுறை இணையத்தை தெறிக்க விட்டுள்ளார். ஆனால், இது ஒரு நல்ல நோக்கத்திற்காகத்தான்..
இம்மாதம் மார்பக புற்றுநோய் விழிப்புணர்வு ஏற்படுத்தும் மாதமாக கருதப்படுகிறது. மார்பக புற்றுநோய் விழிப்புணர்வு ஏற்படுத்தும் விதமாக பிரபல அமெரிக்க நட்சத்திர டென்னிஸ் வீராங்கனை செரினா வில்லியம்ஸ் பாடல் பாடும் வீடியோவை வெளியிட்டுள்ளார்.
அதில் அவர் மேலாடை இல்லாமல் தன் மார்பகத்தை மறைத்தவாறு ‘ஐ டச் மைசெல்ஃப்’ பாடலை பாடியுள்ளார்.
இந்த வீடியோவை தனது இன்ஸ்டாகிராமில் வெளியிட்டுள்ள செரினா வில்லியம்ஸ், ‘பெண்கள் தங்கள் மார்பகங்களை கையால் அவ்வப்போது சோதனை செய்து சோதனை செய்தாலே ஏராளமானவர்களின் உயிரை காக்க முடியும்.
மார்பக புற்றுநோய் குறித்து விழிப்புணர்வு ஏற்படுத்த இப்படி செய்தேன். வரும்முன் காப்பதே நல்லது.’என குறிப்புட்டுள்ளார். இந்த வீடியோ சமூக வலைதளத்தில் வெளியான சில மணி நேரத்தில் 1.3 மில்லியன் பேர் பார்த்துள்ளனர்.
https://www.youtube.com/watch?v=uwsSq3Ez-_M
