தமிழ்நாடு
அதிமுகவிற்கு செல்வது சுடுகாட்டிற்கு செல்வது சமம்: திமுகவில் இணையும் செந்தில் பாலாஜி!
![Senthil Balaji - Bhoomitoday](https://www.bhoomitoday.com/wp-content/uploads/2018/12/Senthil-Balaji.jpg)
முன்னாள் அமைச்சரும் அமமுக கட்சியின் மாநில அமைப்பு செயலாளருமான செந்தில் பாலாஜி திமுகவுக்கு செல்ல இருப்பதாக கடந்த சில தினங்களாக தகவல் பரவி வருகிறது. இந்நிலையில் செந்தில் பாலாஜியின் இணைப்பு நாளை சென்னை அண்ணா அறிவாலயத்தில் நடக்க இருப்பதாக அரசியல் வட்டாரத்தில் பரபரப்பாக பேசப்படுகிறது.
ஆனால் இந்த இணைப்பை யாரும் உறுதிசெய்யாத நிலையில் அதிமுகவில் இருந்து செந்தில் பாலாஜி மீதான அதிருப்தியில் திமுக சென்ற கரூர் சின்னசாமி தன்னுடைய தலைமையில்தான் செந்தில் பாலாஜி திமுகவில் இணைய உள்ளதாக உறுதிபடுத்தியுள்ளார்.
இது தொடர்பாக சின்னசாமியை சந்தித்த செய்தியாளர்கள், செந்தில்பாலாஜி திமுகவிற்கு வருவதால் நீங்கள் அதிமுகவிற்கு செல்வதாக தகவல் வெளிவருகிறதே என்று கேள்வி எழுப்பினர். இதற்கு பதில் அளித்த சின்னசாமி, அதிமுகவிற்கு செல்வது சுடுகாட்டிற்கு செல்வது சமம். எனக்கு செந்தில்பாலாஜிக்கு கருத்துவேறுபாடு கிடையாது. என்னுடைய தலைமையில் தான் செந்தில்பாலாஜி திமுகவில் இணைகிறார் என்று செந்தில் பாலாஜியின் திமுக இணைப்பை உறுதி செய்துள்ளார்.