உலகம்
இனிமேல் இன்ஸ்டாகிராமில் கணக்கு தொடங்க இது அவசியம்: பயனர்கள் அதிர்ச்சி!
இன்ஸ்டாகிராமில் கணக்கு தொடங்க செல்பி வீடியோ அவசியம் என அறிவிக்கப்பட்டுள்ளது பெரும் பரபரப்பை ஏற்படுத்தி உள்ளது.
உலகின் முன்னணி சமூக வலைதளங்களில் ஒன்றான இன்ஸ்டாகிராமில் ஏராளமானோர் கணக்குகளை தொடங்கி வருகின்றனர் என்பதும் மில்லியன் கணக்கான பயனாளர்களின் உள்ளனர் என்பது குறிப்பிடத்தக்கது.
குறிப்பாக இந்தியா உட்பட உலகில் உள்ள பல நாடுகளில் திரையுலக பிரபலங்கள் இன்ஸ்டாகிராமில் கணக்குகளை வைத்து உள்ளனர் என்பதும் அவர்கள் பதிவு செய்யும் புகைப்படங்கள் மற்றும் வீடியோக்களுக்கு மில்லியன் கணக்கில் லைக்ஸ், கமெண்ட்ஸ் குவியும் என்பதும் குறிப்பிடத்தக்கது.
இந்த நிலையில் இன்ஸ்டாகிராம் செயலியை மேம்படுத்துவதற்காக பல்வேறு அதிரடி நடவடிக்கைகள் எடுக்கப்பட்டு வருகின்றன என்பதும் அவற்றில் ஒன்றாக தற்போது இன்ஸ்டாகிராமில் புதிதாக கணக்கு தொடங்க வேண்டும் என்றால் இனிமேல் செல்பி வீடியோ அப்லோடு செய்வது கட்டாயம் என்ற முறையை அமல்படுத்த உள்ளதாகவும் தகவல் வெளியாகி உள்ளது.
எனினும் இந்த செல்பி வீடியோ இன்ஸ்டாகிராம் கணக்கின் எந்த இடத்திலும் பிரதிபலிக்காது என்றும் 30 நாட்களில் சர்வரில் இருந்து தானாக அழிந்து விடும் எனவும் தகவல் வெளியாகி உள்ளது. இந்த முறை அமல்படுத்தப்பட்டால் புதிதாக இன்ஸ்டாகிராமில் கணக்கு தொடங்குபவர்கள் செல்வி வீடியோவை கட்டாயம் அப்லோட் செய்தே ஆக வேண்டிய நிலை ஏற்படும் என்பது குறிப்பிடத்தக்கது.