டிவி
பாண்டியன் ஸ்டோர்ஸ் சீரியலில் புதிதாக இணையும் நடிகை!
விஜய் டிவியில் ஒளிபரப்பாகி வரும் பிரபல பாண்டியன் ஸ்டோர்ஸ் சீரியலில், புதிதாக ஒரு நடிகை இணைய உள்ளார்.
கூட்டுக் குடும்ப வாழ்க்கையை மையமாக வைத்து எடுக்கப்பட்டு இருக்கும் சீரியலில் கிராமப்புறம், நகரம் என இரண்டு பக்கங்களிலும் நல்ல வரவேற்பைப் பெற்றுள்ளது.
அதிலும் கதிர் – முல்லை, மீனா – ஜீவா கதாபாத்திரங்கள் இளம் ஜோடிகள் இடையில் ஈர்க்க கூடிய ஒன்றாக உள்ளது. சமீபத்தில் மீனா கதாபாத்திரத்தில் நடித்த ஹேமாவுக்கு ஆண் குழந்தை பிறந்துள்ளது. எனவே சில வாரங்களுக்கு அவரது கதாபாத்திரத்திற்கு என்ற காட்சிகள் இருக்காது. மீனா கதாபாத்திரத்தில் ஹேமாவை மாற்றி வேறு நடிகையை நடிக்க வைக்கும் எண்ணமும் இல்லை. எனவே அவர் வரும் வரையில் அந்த கதாபாத்திரத்திற்கு அளிக்க இருந்த முக்கியத்துவத்தைக் குறைத்து, புதிய கதாபாத்திரங்களை சேர்க்க முடிவு செய்துள்ளனர்.
இந்நிலையில், ரசிகர்களை ஈர்க்க சரவணன் விக்ரமுக்கு ஜோடியாக சத்யசாய் கிருஷ்ணா நடிக்க உள்ளார். எனவே வரும் வாரங்களில் இந்த புதிய ஜோடி ரசிகர்களை பெரும் அளவில் கவரும் என்று எதிர்பார்க்கப்படுகிறது.
சத்யசாய் கிருஷ்ணா ஏற்கனவே அழகிய தமிழ் மகள், ராஜா மகள் உள்ளிட்ட தொடர்களில் நடித்தவர் என்பது குறிப்பிடத்தக்கது.