தமிழ்நாடு
டிடிவி தினகரன் மகள் திருமண விழாவில் சசிகலா, சிவாஜி குடும்பத்தினர்!
அம்மா மக்கள் முன்னேற்ற கழகத்தின் பொதுச்செயலாளர் டிடிவி தினகரனின் மகள் ஜெய ஹரிணியின் திருமணத்திற்கு சசிகலா மற்றும் சிவாஜி குடும்பத்தினர் வருகை தந்துள்ள புகைப்படம் தற்போது இணையதளங்களில் வைரலாக வருகிறது.
இன்று திருவண்ணாமலையில் டிடிவி தினகரனின் மகள் ஜெயஹரிணிக்கும் தஞ்சாவூரைச் சேர்ந்த முன்னாள் எம்பி துளசி அய்யா வாண்டையாரின் பேரன் ராமநாதன் துளசி வாண்டையாருக்கும் இன்று திருமணம் நடைபெறுகிறது.
இந்த நிலையில் சற்று முன்னர் இந்த திருமணத்திற்கு கலந்து கொள்ள சசிகலா வருகை தந்தார். அவர் அதிமுக கொடி கட்டப்பட்ட காரில் இந்த திருமணத்திற்கு வருகை தந்தது பெரும் பரபரப்பை ஏற்படுத்தியது. சசிகலா மணமக்களுக்கு தனது ஆசையை வழங்கினார். மேலும் திருமணம் முடியும்வரை அவர் திருமண நிகழ்ச்சியில் கலந்து கொள்ள முடிவு செய்துள்ளார்.
திருவண்ணாமலை அண்ணாமலையார் கோவிலில் திருமணம் நடத்த அனுமதி பெறப்பட்ட நிலையில் கொரோனா அச்சுறுத்தல் காரணமாக தற்போது திருவண்ணாமலையில் உள்ள திருமண மண்டபத்தில் திருமணம் நடைபெற்று வருகிறது என்பது குறிப்பிடத்தக்கது. மேலும் திருமணம் முடிந்ததும் மணமக்கள் அண்ணாமலையார் கோவிலுக்கு சென்று சுவாமி தரிசனம் செய்வார்கள் என்றும் அவர்களுடன் சசிகலாவும் டிடிவி தினகரன் குடும்பத்தினரும் சென்று சுவாமி தரிசனம் செய்ய உள்ளனர் என்பது குறிப்பிடத்தக்கது.